Senat depýtaty Murat Baqtiiaruly eńbek ministrligi men úkimet elimizdegi eń tómengi jalaqyny ósirýdiń joldaryn qarastyrý kerek dep esepteidi, dep habarlaidy Sputnik Qazaqstan tilshisi.
Búgin senat otyrysynda depýtat elimizdegi eń tómengi jalaqy deńgeii men tómengi ailyq eseptik kórsetkish máselesin sóz etti.
"Qazir elimizdegi eń tómengi jalaqy - 28 284 teńge. Salystyrmaly túrde alsaq, Eýraziialyq ekonomikalyq odaqqa kiretin Reseide ol 55 myń teńge, Belarýste 51 myń teńge, Armeniiada 37 400 teńge. Al burynǵy keńester odaǵynyń quramyna kirgen elderge qarasaq, Ýkrainada 35 myń teńge, Moldoviiada 48 myń teńge, Litva, Estoniiada 198 myń teńgeni quraidy", — dep ózge elderdi mysal etti senator.
Onyń pikirinshe, osy máselege tikelei jaýap beretin eńbek jáne halyqty áleýmettik qorǵaý ministrligi men úkimet tómengi jalaqyny ósirýdiń joldaryn qarastyrý kerek.
"Bul milliondaǵan azamattyń ál-aýqatynyń jaqsarýyna tikelei áser etedi jáne mundai qadamǵa barýǵa úkimettiń múmkindigi tolyq jetedi dep esepteimin", — dep túidi sózin depýtat.
