Myńǵa jýyq adam Bishkekte biyl oryn joqtyǵyna bailanysty jabylǵan Ońtústik-batys ziratynan oryn satyp alǵan.
Jer satyp alǵandar ruqsat qaǵaz talap etip otyr. Bul týraly Bishkek qalasy keńesiniń 7 qazandaǵy jinalysynda depýtat Kazybek Ergeshov málimdedi, dep habarlaidy Azattyq.
"Ońtústik-batys ziraty jabylardyń aldynda myńǵa jýyq adam oryn satyp alǵan. Endi olardyń júzge jýyǵy jerge order berýin talap etip otyr. Qujattar bolǵan, biraq olar saqtalǵan qoima órtenip ketken. Satylǵan jerler bos, biraq adamdar ol oryndardy taǵy satyp jatyr dep shaǵymdandy", - deidi Ergeshov.
Depýtat tiisti qurylymdarǵa máseleni sheshýdi tapsyrǵanyn aitty.
Bishkek ákimdigi 2021 jylǵy 1 qańtarda Ońtústik-batys ziraty jabylǵanyn habarlaǵan.
2018 jyly Azattyq radiosynyń Qyrǵyz qyzmeti Ońtústik-batys ziratyndaǵy jemqorlyq jaily zertteý jariialap, oryndar kózi tiri adamdarǵa satylǵanyn anyqtaǵan edi.
