مىڭعا جۋىق ادام بٸشكەكتە بيىل ورىن جوقتىعىنا بايلانىستى جابىلعان وڭتٷستٸك-باتىس زيراتىنان ورىن ساتىپ العان.
جەر ساتىپ العاندار رۇقسات قاعاز تالاپ ەتٸپ وتىر. بۇل تۋرالى بٸشكەك قالاسى كەڭەسٸنٸڭ 7 قازانداعى جينالىسىندا دەپۋتات كازىبەك ەرگەشوۆ مەلٸمدەدٸ, دەپ حابارلايدى ازاتتىق.
"وڭتٷستٸك-باتىس زيراتى جابىلاردىڭ الدىندا مىڭعا جۋىق ادام ورىن ساتىپ العان. ەندٸ ولاردىڭ جٷزگە جۋىعى جەرگە وردەر بەرۋٸن تالاپ ەتٸپ وتىر. قۇجاتتار بولعان, بٸراق ولار ساقتالعان قويما ٶرتەنٸپ كەتكەن. ساتىلعان جەرلەر بوس, بٸراق ادامدار ول ورىنداردى تاعى ساتىپ جاتىر دەپ شاعىمداندى", - دەيدٸ ەرگەشوۆ.
دەپۋتات تيٸستٸ قۇرىلىمدارعا مەسەلەنٸ شەشۋدٸ تاپسىرعانىن ايتتى.
بٸشكەك ەكٸمدٸگٸ 2021 جىلعى 1 قاڭتاردا وڭتٷستٸك-باتىس زيراتى جابىلعانىن حابارلاعان.
2018 جىلى ازاتتىق راديوسىنىڭ قىرعىز قىزمەتٸ وڭتٷستٸك-باتىس زيراتىنداعى جەمقورلىق جايلى زەرتتەۋ جارييالاپ, ورىندار كٶزٸ تٸرٸ ادامدارعا ساتىلعانىن انىقتاعان ەدٸ.
