Foto: QR Májilisi
Májilis depýtaty Ashat Aimaǵambetov jumysqa jaiaý baratynyn aitty, dep habarlaidy BAQ.KZ basylymy.
Depýtat májilis kýlýarynda aqyly avtoturaqtarǵa qatysty máseleni kóterdi.
"Men jumysqa da jaiaý kelýge tyrysamyn. Jalpy jaiaý júrýge tyrysamyn. Aqyly turaqqa mindetti túrde biz de tóleimiz. Sondyqtan naqty baǵasyn aita almaimyn. Jalpy bul bir ǵana adam úshin emes, memleket úshin mańyzdy másele. Negizi aqyly avtoturaqtardy joiý kerek dep eshkim aityp jatqan joq. Bizdiń kóterip otyrǵanymyz, bul máseleni retteý kerek. Memlekettiń teńgesi jekemenshik kompaniiaǵa ketpeýi kerek", - dedi ol.
100 teńgeniń 70 teńgesi jekemenshik kompaniiaǵa, al 30 teńgesi memleketke ketpeýi kerek. Bul jerde ádil retteý bolýy kerek, bizdiń kóterip otyrǵanymyz osy. Mysaly, 80-90 paiyzy biýdjetke ketse dep otyrmyz. Ekinshiden, áleýmettik mańyzy bar oryndarda atap aitqanda, mekteptiń, balabaqshanyń, aýrýhananyń, halyqqa qyzmet kórsetý oryndarynyń janynda aqyly turaq bolmaýy tiis.
"Aiyppuldardyń kólemi de ádil bolýy kerek. Mysaly, 100 teńgeni tóleý kerek ekenin bilmei, kórmei qalsań, oǵan 5000 teńge aiyppul tóleý tym kóp. Búginde qala ákimdigi buǵan deiingi sheshimderdi oryndaýǵa májbúr bolyp otyr. Sondyqtan olarǵa da kiná taǵýǵa bolmaidy. Biz zań shyǵarýshy organ retinder olarǵa osy máseleni sheshýge barynsha kómektesemiz", - deidi Aimaǵambetov.
