Foto:elements.envato.com
Májilis depýtaty Edil Jańbyrshin internette feik akkaýnttardan aqparattyq shabýylǵa ushyraǵanyn málimdedi. Ol mundai qýdalaýdy uiymdastyrýshylardy da atady, - dep habarlaidy Tengrinews.kz.
"Byltyr Samat Bazarbaiuly (Májilis depýtaty Samat Musabaev. – esk.) ekeýimizdiń otbasymyzǵa qoqan-loqy kórsetilip, shabýyldar jasaldy. Biz UQK, Ishki ister ministrligine jazdyq. Mańǵystaý oblysynyń máselelerin kótere bastaǵan boida Telegram, Facebook arnalarynda birden aqparattyq shabýyl bastalady. Bir qyzyǵy ákimder ainalasyna blogerlerdi jinap alyp, tapsyryspen depýtattarǵa tiisedi.
Biz zań qabyldaiyn dep otyrmyz, bul bárine qatysty másele. Osyndai kibershabýyldardy sizder buǵattai almasańyzdar, bul zańnyń qandai qajettiligi bar? Buǵattai almasaq, zań shiki bolady. Sondyqtan UQK, IIM, basqa da quzyrly organdar, sizder muny tiia alasyzdar ma?", - dep ashýlandy depýtat.
Bul aqparatqa qatysty UQK ókili jaýap berdi.
video: Tengrinews.kz
Aita keteiik, búgin depýtattar onlain platformalar qyzmetin quqyqtyq retteýge baǵyttalǵan "Onlain-platformalar jáne onlain-jarnama týraly" zań jobasyn birinshi oqylymda qarady. Atap aitqanda, onlain-platformalarda jalǵan aqparat taratýǵa jáne ornalastyrýǵa tyiym salynyp, olardyń ieleri jalǵan aqparatpen jáne salyq tóleýden jaltarýmen kúreste memlekettik organdarmen birlesip jumys isteýge mindetteledi.
