فوتو:elements.envato.com
مەجٸلٸس دەپۋتاتى ەدٸل جاڭبىرشين ينتەرنەتتە فەيك اككاۋنتتاردان اقپاراتتىق شابۋىلعا ۇشىراعانىن مەلٸمدەدٸ. ول مۇنداي قۋدالاۋدى ۇيىمداستىرۋشىلاردى دا اتادى, - دەپ حابارلايدى Tengrinews.kz.
"بىلتىر سامات بازاربايۇلى (مەجٸلٸس دەپۋتاتى سامات مۇساباەۆ. – ەسك.) ەكەۋٸمٸزدٸڭ وتباسىمىزعا قوقان-لوقى كٶرسەتٸلٸپ, شابۋىلدار جاسالدى. بٸز ۇقك, ٸشكٸ ٸستەر مينيسترلٸگٸنە جازدىق. ماڭعىستاۋ وبلىسىنىڭ مەسەلەلەرٸن كٶتەرە باستاعان بويدا Telegram, Facebook ارنالارىندا بٸردەن اقپاراتتىق شابۋىل باستالادى. بٸر قىزىعى ەكٸمدەر اينالاسىنا بلوگەرلەردٸ جيناپ الىپ, تاپسىرىسپەن دەپۋتاتتارعا تيٸسەدٸ.
بٸز زاڭ قابىلدايىن دەپ وتىرمىز, بۇل بەرٸنە قاتىستى مەسەلە. وسىنداي كيبەرشابۋىلداردى سٸزدەر بۇعاتتاي الماساڭىزدار, بۇل زاڭنىڭ قانداي قاجەتتٸلٸگٸ بار? بۇعاتتاي الماساق, زاڭ شيكٸ بولادى. سوندىقتان ۇقك, ٸٸم, باسقا دا قۇزىرلى ورگاندار, سٸزدەر مۇنى تييا الاسىزدار ما?", - دەپ اشۋلاندى دەپۋتات.
بۇل اقپاراتقا قاتىستى ۇقك ٶكٸلٸ جاۋاپ بەردٸ.
ۆيدەو: Tengrinews.kz
ايتا كەتەيٸك, بٷگٸن دەپۋتاتتار ونلاين پلاتفورمالار قىزمەتٸن قۇقىقتىق رەتتەۋگە باعىتتالعان "ونلاين-پلاتفورمالار جەنە ونلاين-جارناما تۋرالى" زاڭ جوباسىن بٸرٸنشٸ وقىلىمدا قارادى. اتاپ ايتقاندا, ونلاين-پلاتفورمالاردا جالعان اقپارات تاراتۋعا جەنە ورنالاستىرۋعا تىيىم سالىنىپ, ولاردىڭ يەلەرٸ جالعان اقپاراتپەن جەنە سالىق تٶلەۋدەن جالتارۋمەن كٷرەستە مەملەكەتتٸك ورگاندارمەن بٸرلەسٸپ جۇمىس ٸستەۋگە مٸندەتتەلەدٸ.
