Ulttyq banktiń aqsha-kredit saiasaty departamentiniń direktory Jandos Shaimardanov biylǵy jyldyń 10 aiyndaǵy depozitterdiń kólemi týraly aityp berdi, dep habarlaidy "Ult aqparat".
Onyń málimeti boiynsha, bank júiesindegi depozitter biylǵy 10 aida 15,3%-ǵa nemese 2,916 trln teńgege ósip, 21,938 trln teńgege jetken.
«Onyń ishinde teńge salymdary – 20,0%-ǵa nemese 2,160 trln teńgege ósip, 12,980 trln teńgege jetti. Valiýtalyq salymdar meiilinshe qalypty qarqynmen – 9,2%-ǵa nemese 756,1 mlrd teńgege, osy jylǵy qazannyń sońyndaǵy 8,957 trln teńgege deiin ósti. Valiýtalyq depozitterdi baǵamdyq qaita baǵalaý jiyntyq depozitterdiń ósýi 15,3%- qurady»,– deidi Jandos Shaimardanov.
Depozitterdiń dollarlanýy jyldyń basynan bastap 43,1%-dan 40,8%-ǵa deiin, onyń ishinde korporativtik sektor depozitteriniń dollarlanýy 44,8%-dan 40,7%-ǵa deiin, bólshek sektor boiynsha 41,3%-dan 40,9 paiyzǵa deiin tómendep ketti.
