Qazaqstannyń depozitterge kepildik berý qory (QDKBQ) teńgelik depozitter boiynsha 2021 jyldyń sáýir aiyna usynylatyn eń joǵary syiaqy mólsherlemelerin bekitti, dep habarlaidy "Ult aqparat".
Eń tabysty salym – ádettegidei tolyqtyrý quqyǵy joq, merzimi 12 ailyq jinaq depozitter – 14%. Eske salamyz, teńgelik jinaq depozitter boiynsha joǵary mólsherlemelermen qatar kóterińki kepildik somasy da qarastyrylǵan – 15 mln teńge.
«2021 jyldyń aqpanynda Qazaqstannyń Ulttyq bankiniń bazalyq mólsherlemesiniń deńgeii qaita qaralmaǵandyqtan, qysqa merzimdi depozitter boiynsha maksimaldy mólsherlemeler burynǵy deńgeiinde 9,0 qaldy»,-dep habarlady Qoryń baspasóz qyzmeti.
Merzimdi depozitterdiń naryqtyq mólsherlemelerge táýeldi mólsherlemeleri de ózgerissiz qaldy. Óitkeni júielik deńgeide tiisti ónimder boiynsha bankter usynatyn mólsherlemelerge qatysty qandai da bir aiqyn úrdis baiqalǵan joq.
Naryqta 24 aiǵa ashylatyn jinaq salymdar boiynsha naryqtyq mólsherlemelerdiń tómendeý úrdisine bailanysty olar boiynsha mólsherlemeler azdap tómendedi.
