Densaýlyq saqtaý ministrligi áskeri qyzmet kezinde aýyr jaraqat alǵan Erbaian Muhtardyń qaitys bolýyna bailanysty onyń otbasy men jaqyndaryna kóńil aitty, dep habarlaidy ult.kz.
Densaýlyq saqtaý ministrligi áskeri qyzmet kezinde aýyr jaraqat alǵan Erbaian Muhtardyń qaitys bolýyna bailanysty onyń otbasy men jaqyndaryna kóńil aitty.
Vedomstvonyń málimetinshe, dárigerler úsh jylǵa jýyq ýaqyt boiy sarbazdyń ómirin saqtap qalý úshin kúresken. Alaida aýyr bas-mi jaraqaty saldarynan týyndaǵan qaitymsyz ózgerister onyń ómirin aman alyp qalýǵa múmkindik bermegen.
"2026 jyldyń maýsym aiynda negizgi aýyr syrqattyń aiasynda infektsiialyq asqynýlar, sepsis jáne kóp aǵzalyq jetkiliksizdik sindromy damydy. 2026 jylǵy 23 maýsymda saǵat 21:40-ta naýqastyń biologiialyq ólimi tirkeldi. Ólimniń tikelei sebebi – aýyr bas-mi jaraqatynyń saldary men oǵan qosylǵan asqynýlar aiasynda damyǵan kóp aǵzalyq jetkiliksizdik sindromy", – dep habarlady ministrlik.
Ministrlik taratqan aqparatqa sáikes, Erbaian Muhtar 2023 jyldan beri áskeri qyzmet barysynda alǵan jaraqattyń saldarynan asa aýyr jaǵdaida bolǵan. Uzaq ýaqyt boiy turaqty vegetativtik kúide jatqan naýqasqa úzdiksiz qarqyndy terapiia men respiratorlyq qoldaý kórsetilgen. Soǵan qaramastan onyń ómirlik mańyzdy kórsetkishteri birtindep nasharlaǵan.
Sonymen qatar Densaýlyq saqtaý ministrligi men Ishki ister ministrliginiń uiymdastyrýymen Erbaian Muhtar qosymsha em alý úshin Túrkiiaǵa jiberilgen. Sheteldik mamandar da bastapqy diagnozdy rastaǵan.
Ministrliktiń habarlaýynsha, 2026 jyldyń maýsym aiynda negizgi syrqat aiasynda infektsiialyq asqynýlar, sepsis jáne kóp aǵzalyq jetkiliksizdik sindromy damyǵan. 23 maýsym kúni saǵat 21:40-ta onyń biologiialyq ólimi tirkeldi.
Dárigerlerdiń qorytyndysyna sáikes, ólimniń tikelei sebebi – aýyr bas-mi jaraqatynyń saldary men oǵan qosylǵan asqynýlardan damyǵan kóp aǵzalyq jetkiliksizdik sindromy.
Eske salaiyq, Erbaian Muhtar áskerge deni saý kúide attanyp, qyzmet barysynda aýyr jaraqat alǵan bolatyn. Onyń jaǵdaiy qoǵamda keń talqylanyp, kópshiliktiń nazarynda boldy.
