Densaýlyq saqtaý vitse-ministri Ásem Núsipova aimaqtarǵa 1500 tynys alý qurylǵysyn jetkizýge qatysty túsinikteme berdi, dep habarlaidy "Ult aqparat" ministrliktiń baspasóz qyzmetine silteme jasap.
«Asselsan Injiniring» JShS shyǵarǵan otandyq 1500 ókpeni jasandy jeldetkish apparatyn QR Indýstriia jáne infraqurylymdyq damý ministrligi QR Úkimetiniń rezervtik qarajaty esebinen satyp aldy.
«Qazaqstan Respýblikasy Densaýlyq saqtaý ministrligi kún saiyn 297 meditsinalyq uiymǵa qurylǵylardyń jetkizilýin baqylap otyr. Qazirgi ýaqytta osy meditsinalyq uiymdardyń barlyǵy 1500 qurylǵyny qabyldaý aktilerine qol qoidy. Osylaisha, olar paidalanýǵa daiyn», - dedi QR Densaýlyq saqtaý vitse-ministri Ásem Núsipova.
Kelisimsharttyń negizgi talaby tehnikalyq erekshelikke sáikestigin qaita teksergennen keiin qurylǵylardy qabyldaý boldy.
Aita ketý kerek, iske qosý protsesi qurylǵylardy ornatýdy, retteýdi, iske qosýdy, olardyń sipattamalaryn tekserýdi, baǵdarlamalyq jasaqtamaǵa qol jetkizý úshin servistik kodtar boiynsha óndirýshiniń bilikti mamandardy oqytýyn qamtidy.
Barlyq qurylǵylar osy synaqtan ótti, olar dymqyldatqyshtarmen, kompressorlarmen jáne basqa da qajetti komponenttermen jabdyqtalǵan.
Ásem Núsipova jaqynda kóterilgen depýtat synyna orai, halyq qalaýlysynyń qarasha aiynyń basynda óńirlerge qoiylǵan apparattar kezeń-kezeńimen paidalanýǵa berilip, qajetti installiatsiialaý men retke keltirý rásimderi ótip jatqanda jasalǵan monitoring derekterin alǵa tartqanyn atap ótti. Biraq sol kezdiń ózinde barlyq 1500 apparat elimizdiń óńirlerine jetkizilgen. Shyǵys Qazaqstan oblysyna keletin bolsaq, oblystyń densaýlyq saqtaý basqarmasynyń málimetinshe, barlyq 100 apparat óńirdiń 34 aýrýhanasyna jetkizilgen, sondai-aq, paidalanýǵa daiyn.
Osylaisha, otandyq óndiristiń 1500 ÓJJ apparatyn jetkizý aiaqtaldy, barlyq apparattar jumys jaǵdaiynda. Barlyq ÓJJ apparattaryna 37 ai kepildik beriledi jáne óndirýshi qyzmet kórsetý boiynsha barlyq jaǵdaidy nazarda ustaidy.
