Densaýlyq saqtaý vitse-ministri Oljas Ábishev qamaýǵa alyndy, dep habarlaidy "Ult aqparat".
Bul aqparatty Qazaqstan Respýblikasy Qarjy ministrliginiń Qarjy monitoringi komiteti rastady.
«Biýdjet qarajatyn jymqyrdy degen kúdikpen Qazaqstan Respýblikasy Densaýlyq saqtaý vitse-ministri Oljas Ábishevti Ekonomikalyq tergeý qyzmeti qamaýǵa aldy», - dedi komitetten.
Tergeý amaldary júrgizilýde.
Qylmystyq is júrgizý kodeksiniń 201-babyna sáikes sotqa deiingi tergep-tekserýdiń málimetteri jariia etilmeidi.
Aita ketsek, Oljas Ábishev 2018 jyly Densaýlyq saqtaý vitse-ministri bolyp taǵaiyndalǵan. Ol tsifrlandyrý jáne aqparattyq qaýipsizdik máselelerine jaýap berdi.
