QR Densaýlyq saqtaý ministrligine qarasty Taýarlar men kórsetiletin qyzmetterdiń sapasy men qaýipsizdigin baqylaý komiteti qaita qurylady. Úkimet basshysy Asqar Maminniń tiisti Qaýlysy jariialandy, dep habarlaidy "Ult aqparat".
Qaýlyǵa sáikes, Taýarlar men kórsetiletin qyzmetterdiń sapasy men qaýipsizdigin baqylaý komitetiniń ornyna eki komitet qurylady:
- QR Densaýlyq saqtaý ministrliginiń Sanitariialyq-epidemiologiialyq baqylaý komiteti
- QR Densaýlyq saqtaý ministrliginiń Meditsinalyq jáne farmatsevtikalyq baqylaý komiteti.
Qujattyń tolyq mátinin usynamyz
* * *
Qazaqstan Respýblikasy Úkimetiniń 2020 jylǵy 22 qyrkúiektegi №596 Qaýlysy
Qazaqstan Respýblikasy Densaýlyq saqtaý ministrliginiń keibir máseleleri týraly Qazaqstan Respýblikasynyń Úkimeti QAÝLY ETEDI:
1. Qazaqstan Respýblikasynyń zańnamasynda belgilengen tártippen mynalar qaita uiymdastyrylsyn:
1) «Qazaqstan Respýblikasy Densaýlyq saqtaý ministrliginiń Sanitariialyq-epidemiologiialyq baqylaý komiteti» respýblikalyq memlekettik mekemesine jáne «Qazaqstan Respýblikasy Densaýlyq saqtaý ministrliginiń Meditsinalyq jáne farmatsevtikalyq baqylaý komiteti» respýblikalyq memlekettik mekemesine bólý jolymen «Qazaqstan Respýblikasy Densaýlyq saqtaý ministrliginiń Taýarlar men kórsetiletin qyzmetterdiń sapasy men qaýipsizdigin baqylaý komiteti» respýblikalyq memlekettik mekemesi;
2) osy qaýlyǵa 1-qosymshaǵa sáikes Qazaqstan Respýblikasy Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq bólimsheleri – respýblikalyq memlekettik mekemeleri.
2. Osy qaýlyǵa 2-qosymshaǵa sáikes Qazaqstan Respýblikasy Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq bólimsheleri – respýblikalyq memlekettik mekemeleri men memlekettik zańdy tulǵalary qaita atalsyn.
3. Mynalar:
1. Qazaqstan Respýblikasy Densaýlyq saqtaý ministrliginiń Sanitariialyq-epidemiologiialyq baqylaý komiteti Qazaqstan Respýblikasy Densaýlyq saqtaý ministrligi Sanitariialyq-epidemiologiialyq baqylaý komitetiniń «Ulttyq saraptama ortalyǵy» sharýashylyq júrgizý quqyǵyndaǵy respýblikalyq memlekettik kásipornyna qatysty memlekettik basqarýdyń tiisti salasyna (aiasyna) basshylyq etý jónindegi ýákiletti organ bolyp;
2. Qazaqstan Respýblikasy Densaýlyq saqtaý ministrliginiń Meditsinalyq jáne farmatsevtikalyq baqylaý komiteti Qazaqstan Respýblikasy Densaýlyq saqtaý ministrligi Meditsinalyq jáne farmatsevtikalyq baqylaý komitetiniń «Dárilik zattar men meditsinalyq buiymdardy saraptaý ulttyq ortalyǵy» sharýashylyq júrgizý quqyǵyndaǵy respýblikalyq memlekettik kásipornyna qatysty memlekettik basqarýdyń tiisti salasyna (aiasyna) basshylyq etý jónindegi ýákiletti organ bolyp aiqyndalsyn.
4. Qazaqstan Respýblikasy Densaýlyq saqtaý ministrligi Qazaqstan Respýblikasy Qarjy ministrliginiń Memlekettik múlik jáne jekeshelendirý komitetimen birlesip, Qazaqstan Respýblikasynyń zańnamasynda belgilengen tártippen osy qaýlynyń 3-tarmaǵynan týyndaityn sharalardy qabyldasyn.
5. Qosa berilip otyrǵan Qazaqstan Respýblikasy Úkimetiniń keibir sheshimderine engiziletin ózgerister bekitilsin.
6. Osy qaýly alǵashqy resmi jariialanǵan kúninen keiin qoldanysqa engiziledi.
Qazaqstan Respýblikasynyń Premer-Ministri A. Mamin
