Jaqyn kúnderi Densaýlyq saqtaý ministrliginiń qoǵamdyq densaýlyq saqtaý komiteti men farmatsiia komiteti biriktirilip, jańadan taýarlar men qyzmetterdiń qaýipsizdigin baqylaý komiteti qurylady, dep habarlaidy QazAqparat tilshisi.
«Qazirgi ýaqytta eki komitetti aralastyrý týraly zańnamalyq retteý jumystary júrgizilip jatyr. Iaǵni, qoǵamdyq densaýlyq saqtaý komiteti men farmatsiia komiteti biriktiriledi. Aldaǵy ýaqytta taýarlar men qyzmetterdiń qaýipsizdigin baqylaý komiteti qurylady. Atalmysh komitet eki ulttyq saraptama ortalyǵymen birge jumys atqarady. Iaǵni, ol komitet Dárilik zattardy, meditsinalyq maqsattaǵy buiymdardy jáne meditsina tehnikasyn ulttyq saraptaý ortalyǵy jáne dári-dármek salasynan tys azyq-túliktiń sapasy men qaýipsizdigin baqylaý ulttyq ortalyǵymen tikelei jumys júrgizedi. Shamamen, Úkimet qaýlysy shyqqannan keiin jańa komitet osy jyldyń naýryz nemese sáýir aiynda qurylady», - dedi QR Densaýlyq saqtaý ministrligi farmatsiia komitetiniń tóraiymy Liýdmila Biýrabekova OKQ-da ótken baspasóz máslihatynda.
Eske sala ketsek, atalmysh baspasóz máslihatta elimizge jetkiziletin sheteldik dári-dármekter men meditsinalyq buiymdardyń sapasy men qaýipsizdigi qalai qadaǵalanyp jatqany baiandalǵan bolatyn.
