Foto: videodan skrinshot
Áleýmettik jelilerde jáne keibir onlain-basylymdarda qazaqstandyq jedel járdem qyzmetkerleri naýqasqa meditsinalyq kómek kórsetpei, ony kóshede qaldyryp ketkeni týraly video tarap jatyr. Densaýlyq saqtaý ministrligi bul aqparattyń shyndyqqa janaspaitynyn málimdedi, dep habarlaidy Ult.kz.
Ministrlik júrgizgen taldaý videodaǵy adamdardyń qazaqstandyq jedel járdem qyzmetkerleri emestigin anyqtady.
Videodaǵy personaldyń kiim úlgisinde Qazaqstandaǵy jedel meditsinalyq kómek brigadalary úshin mindetti memlekettik jáne vedomstvolyq belgiler joq. Sondai-aq olardyń kiiminiń tús gammasy men formasy elimizdegi biryńǵai standartqa sáikes kelmeidi.
Sonymen birge, rolik avtorlary kórinistiń áserin kúsheitý úshin ádeii mazasyz aýdio qosqan. Bul kórermenge emotsiialyq qysym jasaýǵa baǵyttalǵan manipýliatsiia ádisteriniń biri ekeni atap ótildi. Ministrlik mundai tásil aqparatty burmalap, jedel qyzmetterdiń bedeline nuqsan keltirý maqsatynda qoldanylǵanyn aitty.
Tekserý barysynda atalǵan oqiǵa Qazaqstanda emes, 2024 jyldyń 11 naýryzynda Reseidiń Volgograd qalasynda bolǵany belgili boldy. Ol kezde oqiǵa reseilik BAQ-ta keńinen jariialanǵan, al kináli tulǵalar jaýapkershilikke tartylǵan.
Ministrlik buryn bolǵan jáne tergelgen isti Qazaqstannyń jedel járdem qyzmetimen bailanystyryp, jalǵan aqparat taratý – azamattardy ádeii jańylystyrý áreketi ekenin eskertti.
Densaýlyq saqtaý ministrligi pablik adminderi men aqparattyq resýrstardy derekkózderdi muqiiat tekserýge, jalǵan málimet taratpaýǵa jáne shuǵyl qyzmet ókilderin ádeii qaralaý áreketterine jol bermeýge shaqyrdy.
