فوتو: ۆيدەودان سكرينشوت
ەلەۋمەتتٸك جەلٸلەردە جەنە كەيبٸر ونلاين-باسىلىمداردا قازاقستاندىق جەدەل جەردەم قىزمەتكەرلەرٸ ناۋقاسقا مەديتسينالىق كٶمەك كٶرسەتپەي, ونى كٶشەدە قالدىرىپ كەتكەنٸ تۋرالى ۆيدەو تاراپ جاتىر. دەنساۋلىق ساقتاۋ مينيسترلٸگٸ بۇل اقپاراتتىڭ شىندىققا جاناسپايتىنىن مەلٸمدەدٸ, دەپ حابارلايدى Ult.kz.
مينيسترلٸك جٷرگٸزگەن تالداۋ ۆيدەوداعى ادامداردىڭ قازاقستاندىق جەدەل جەردەم قىزمەتكەرلەرٸ ەمەستٸگٸن انىقتادى.
ۆيدەوداعى پەرسونالدىڭ كيٸم ٷلگٸسٸندە قازاقستانداعى جەدەل مەديتسينالىق كٶمەك بريگادالارى ٷشٸن مٸندەتتٸ مەملەكەتتٸك جەنە ۆەدومستۆولىق بەلگٸلەر جوق. سونداي-اق ولاردىڭ كيٸمٸنٸڭ تٷس گامماسى مەن فورماسى ەلٸمٸزدەگٸ بٸرىڭعاي ستاندارتقا سەيكەس كەلمەيدٸ.
سونىمەن بٸرگە, روليك اۆتورلارى كٶرٸنٸستٸڭ ەسەرٸن كٷشەيتۋ ٷشٸن ەدەيٸ مازاسىز اۋديو قوسقان. بۇل كٶرەرمەنگە ەموتسييالىق قىسىم جاساۋعا باعىتتالعان مانيپۋلياتسييا ەدٸستەرٸنٸڭ بٸرٸ ەكەنٸ اتاپ ٶتٸلدٸ. مينيسترلٸك مۇنداي تەسٸل اقپاراتتى بۇرمالاپ, جەدەل قىزمەتتەردٸڭ بەدەلٸنە نۇقسان كەلتٸرۋ ماقساتىندا قولدانىلعانىن ايتتى.
تەكسەرۋ بارىسىندا اتالعان وقيعا قازاقستاندا ەمەس, 2024 جىلدىڭ 11 ناۋرىزىندا رەسەيدٸڭ ۆولگوگراد قالاسىندا بولعانى بەلگٸلٸ بولدى. ول كەزدە وقيعا رەسەيلٸك باق-تا كەڭٸنەن جارييالانعان, ال كٸنەلٸ تۇلعالار جاۋاپكەرشٸلٸككە تارتىلعان.
مينيسترلٸك بۇرىن بولعان جەنە تەرگەلگەن ٸستٸ قازاقستاننىڭ جەدەل جەردەم قىزمەتٸمەن بايلانىستىرىپ, جالعان اقپارات تاراتۋ – ازاماتتاردى ەدەيٸ جاڭىلىستىرۋ ەرەكەتٸ ەكەنٸن ەسكەرتتٸ.
دەنساۋلىق ساقتاۋ مينيسترلٸگٸ پابليك ادميندەرٸ مەن اقپاراتتىق رەسۋرستاردى دەرەككٶزدەردٸ مۇقييات تەكسەرۋگە, جالعان مەلٸمەت تاراتپاۋعا جەنە شۇعىل قىزمەت ٶكٸلدەرٸن ەدەيٸ قارالاۋ ەرەكەتتەرٸنە جول بەرمەۋگە شاقىردى.
