Foto: ashyq derekkóz
Qazaqstanda jalpy ólim kórsetkishi 4,2%-ǵa tómendedi. Bul týraly 2025 jyldyń birinshi jartyjyldyǵyna arnalǵan QR Densaýlyq saqtaý ministrliginiń alqa otyrysynda belgili boldy, dep habarlaidy Ult.kz.
Jiynǵa respýblikalyq jáne ǵylymi ortalyqtardyń basshylary, óńirlik densaýlyq saqtaý basqarmalary men ministrlik qurylymdarynyń ókilderi qatysty.
Monitoring nátijelerine sáikes, densaýlyq saqtaý salasyndaǵy memlekettik baǵdarlamalardyń tiimdi oryndalýy oń kórsetkishterge jetkizdi. 1000 turǵynǵa shaqqandaǵy jalpy ólim kórsetkishi 6,46-dan 6,35-ke deiin tómendegen.
Negizgi jetistikter:
-
Ana ólimi 10%-ǵa azaiyp, 100 000 tiri týǵanǵa shaqqanda 12-den 10,8-ge deiin túsken.
-
Sábiler ólimi 26,3%-ǵa qysqaryp, 1000 tiri týǵanǵa shaqqanda 5,94 jaǵdaidy quraǵan.
-
Neonataldyq ólim 23,8%-ǵa tómendep, 4,2-den 3,2-ge azaiǵan.
-
Balalar ólimi josparlanǵan 9,75 ornyna 7,3 deńgeiinde turaqty oń dinamika kórsetken.
-
Reanimatsiialyq kómektiń tiimdiligi 60%-ǵa jetip, ótken jylmen salystyrǵanda 8,3%-ǵa artqan.
-
Jol-kólik oqiǵalarynan bolatyn ólim kórsetkishi 100 000 turǵynǵa shaqqanda 11,7 ornyna 8,46 jaǵdaiǵa deiin tómendegen.
Meditsinalyq statistika sapasyn jaqsartý da mańyzdy ról atqardy.
Ministrlik ólim sebepterin durys kodtaý boiynsha meditsina qyzmetkerleriniń biliktiligin arttyryp, Ulttyq ǵylymi densaýlyq saqtaýdy damytý ortalyǵy janynan arnaiy Kodtaý biýrosyn qurdy.
Bul nátijeler meditsinalyq kómektiń qoljetimdiligi men sapasyn arttyrýǵa baǵyttalǵan júieli sharalardyń nátijesi ekeni atap ótildi.
