فوتو: اشىق دەرەككٶز
قازاقستاندا جالپى ٶلٸم كٶرسەتكٸشٸ 4,2%-عا تٶمەندەدٸ. بۇل تۋرالى 2025 جىلدىڭ بٸرٸنشٸ جارتىجىلدىعىنا ارنالعان قر دەنساۋلىق ساقتاۋ مينيسترلٸگٸنٸڭ القا وتىرىسىندا بەلگٸلٸ بولدى, دەپ حابارلايدى Ult.kz.
جيىنعا رەسپۋبليكالىق جەنە عىلىمي ورتالىقتاردىڭ باسشىلارى, ٶڭٸرلٸك دەنساۋلىق ساقتاۋ باسقارمالارى مەن مينيسترلٸك قۇرىلىمدارىنىڭ ٶكٸلدەرٸ قاتىستى.
مونيتورينگ نەتيجەلەرٸنە سەيكەس, دەنساۋلىق ساقتاۋ سالاسىنداعى مەملەكەتتٸك باعدارلامالاردىڭ تيٸمدٸ ورىندالۋى وڭ كٶرسەتكٸشتەرگە جەتكٸزدٸ. 1000 تۇرعىنعا شاققانداعى جالپى ٶلٸم كٶرسەتكٸشٸ 6,46-دان 6,35-كە دەيٸن تٶمەندەگەن.
نەگٸزگٸ جەتٸستٸكتەر:
-
انا ٶلٸمٸ 10%-عا ازايىپ, 100 000 تٸرٸ تۋعانعا شاققاندا 12-دەن 10,8-گە دەيٸن تٷسكەن.
-
سەبيلەر ٶلٸمٸ 26,3%-عا قىسقارىپ, 1000 تٸرٸ تۋعانعا شاققاندا 5,94 جاعدايدى قۇراعان.
-
نەوناتالدىق ٶلٸم 23,8%-عا تٶمەندەپ, 4,2-دەن 3,2-گە ازايعان.
-
بالالار ٶلٸمٸ جوسپارلانعان 9,75 ورنىنا 7,3 دەڭگەيٸندە تۇراقتى وڭ ديناميكا كٶرسەتكەن.
-
رەانيماتسييالىق كٶمەكتٸڭ تيٸمدٸلٸگٸ 60%-عا جەتٸپ, ٶتكەن جىلمەن سالىستىرعاندا 8,3%-عا ارتقان.
-
جول-كٶلٸك وقيعالارىنان بولاتىن ٶلٸم كٶرسەتكٸشٸ 100 000 تۇرعىنعا شاققاندا 11,7 ورنىنا 8,46 جاعدايعا دەيٸن تٶمەندەگەن.
مەديتسينالىق ستاتيستيكا ساپاسىن جاقسارتۋ دا ماڭىزدى رٶل اتقاردى.
مينيسترلٸك ٶلٸم سەبەپتەرٸن دۇرىس كودتاۋ بويىنشا مەديتسينا قىزمەتكەرلەرٸنٸڭ بٸلٸكتٸلٸگٸن ارتتىرىپ, ۇلتتىق عىلىمي دەنساۋلىق ساقتاۋدى دامىتۋ ورتالىعى جانىنان ارنايى كودتاۋ بيۋروسىن قۇردى.
بۇل نەتيجەلەر مەديتسينالىق كٶمەكتٸڭ قولجەتٸمدٸلٸگٸ مەن ساپاسىن ارتتىرۋعا باعىتتالعان جٷيەلٸ شارالاردىڭ نەتيجەسٸ ەكەنٸ اتاپ ٶتٸلدٸ.
