Foto: QR Densaýmin
Memleket basshysynyń mektep ashanalarynda balalardyń toptyq ýlanýy faktileri boiynsha tapsyrmasy sheńberinde Densaýlyq saqtaý ministrligi Bas prokýratýramen kelise otyryp, Mańǵystaý oblysynyń bilim berý mekemelerinde sanitariialyq-epidemiologiialyq talaptardyń saqtalýyna jospardan tys tekserý júrgizýde, dep habarlaidy Ult.kz.
Óńirde tekserý úshin barlyǵy 72 nysan aiqyndaldy, búgingi tańda tekserýlermen 14 mektep as blogy qamtyldy.
Ýlaný jaǵdailaryn tergep-tekserý jáne mekteptegi tamaqtanýdyń qaýipsizdigin qamtamasyz etý maqsatynda Oqý-aǵartý, densaýlyq saqtaý ministrlikterin, Bas prokýratýrany qosa alǵanda, múddeli organdardyń ókilderinen turatyn vedomstvoaralyq jumys toby quryldy.
Densaýlyq saqtaý ministrliginen vedomstvoaralyq jumys tobynyń quramyna Aqtóbe, Jambyl, Qostanai oblystarynyń, Almaty qalasynyń sanitariialyq-epidemiologiialyq baqylaý departamentterinen jáne QR DSM «Qoǵamdyq densaýlyq saqtaý ulttyq ortalyǵy» ShJQ RMK Sanitariialyq-epidemiologiialyq saraptama jáne monitoring ǵylymi-praktikalyq ortalyǵynan 7 maman engizildi.
Mańǵystaý oblysynyń Beineý aýdanyndaǵy Manash jalpy bilim beretin mektebiniń 12 oqýshysynyń arasynda tamaqtan shyqqan sońǵy toptyq infektsiialyq aýrý faktisi boiynsha tergep-tekserý bastalyp, sanitariialyq-profilaktikalyq is-sharalar ótkizý týraly qaýly shyǵarylyp, ákimdiktiń janynan shtab qurylǵanyn esterińizge sala keteiik.
