QR Densaýlyq saqtaý ministrligi 19 naýryz, saǵat 18.00-degi jaǵdai boiynsha, koronavirýske qatysty epidemiologiialyq ahýaldy baiandady, dep habarlaidy "Ult aqparat".
«Qazirgi ýaqytta elimizde koronavirýs juqtyrýdyń 44 jaǵdaiy rastaldy, onyń ishinde Almaty qalasynda - 19, Nur-Sultanda - 25 jaǵdai anyqtalǵan. Statsionarlyq karantinde – 860 adam, úi karantininde – 2 611 adam jatyr», - delingen resmi habarlamada.
Sonymen birge, Qazaqstanda Qytai Halyq Respýblikasy men ózge kórshiles memleketterden kelgen azamattardy baqylaý jumystary jalǵasýda. Barlyq sanattar boiynsha jalpy 2 885 adam baqylaýǵa alyndy, onyń ishinde 262 adam - 1 «a» sanaty, 1766 adam – 1 «b» sanaty, 857 adam 2-sanat boiynsha baqylanýda.
Monitoringke alynǵan 2 885 adamnyń 724-i baqylaýdan alyndy.
19 naýryzdaǵy jaǵdai boiynsha, barlyǵy 2 161 adam baqylaýda qalady. Sondai-aq, 19 naýryzda 157 adam dene qyzýymen jáne jedel respiratorly virýstyq infektsiialarmen aýrýhanaǵa jatqyzyldy, olardyń 47-si 1 «B» sanatyna jatqyzyldy; 2-sanat boiynsha – 53 adam; 3-sanat boiynsha – 57 adam.
Bas memlekettik sanitarlyq dárigerdiń Qaýlysyna sáikes, bul naýqastar algoritm boiynsha juqpaly aýrýlar aýrýhanasyna jatqyzylady.
Epidemiiaǵa qarsy barlyq qajetti sharalar, sonyń ishinde oqshaýlaý, emdeý jáne dezinfektsiia jumystary júrgizildi.
Atap ótilgendei, koronavirýsqa qatysty ahýal Densaýlyq saqtaý ministrliginiń turaqty baqylaýyna alynǵan.
Ministrlik koronavirýs infektsiiasynyń taralýyn boldyrmaý úshin aldyn-alý sharalaryn saqtaýdy eske salady:
- qol men betti sabynmen jii jýyńyz;
- adam kóp jinalatyn oryndarǵa barmańyz;
- naýqas adamdarmen bailanysqa túspeńiz;
- sýyq tiiý belgileri (dene qyzýy, murynnyń bitelýi, jótel) bolsa, úide jedel járdem shaqyrý kerek.
Barlyq resmi aqparatty Densaýlyq saqtaý ministrliginiń saitynan jáne Facebook-tegi paraqshasynan oqyp, kez kelgen suraqtar boiynsha táýlik boiy jumys isteitin call-ortalyq – 1406 nómirine habarlasýǵa bolady.
