قر دەنساۋلىق ساقتاۋ مينيسترلٸگٸ 19 ناۋرىز, ساعات 18.00-دەگٸ جاعداي بويىنشا, كوروناۆيرۋسكە قاتىستى ەپيدەميولوگييالىق احۋالدى باياندادى, دەپ حابارلايدى "ۇلت اقپارات".
«قازٸرگٸ ۋاقىتتا ەلٸمٸزدە كوروناۆيرۋس جۇقتىرۋدىڭ 44 جاعدايى راستالدى, ونىڭ ٸشٸندە الماتى قالاسىندا - 19, نۇر-سۇلتاندا - 25 جاعداي انىقتالعان. ستاتسيونارلىق كارانتيندە – 860 ادام, ٷي كارانتينٸندە – 2 611 ادام جاتىر», - دەلٸنگەن رەسمي حابارلامادا.
سونىمەن بٸرگە, قازاقستاندا قىتاي حالىق رەسپۋبليكاسى مەن ٶزگە كٶرشٸلەس مەملەكەتتەردەن كەلگەن ازاماتتاردى باقىلاۋ جۇمىستارى جالعاسۋدا. بارلىق ساناتتار بويىنشا جالپى 2 885 ادام باقىلاۋعا الىندى, ونىڭ ٸشٸندە 262 ادام - 1 «ا» ساناتى, 1766 ادام – 1 «ب» ساناتى, 857 ادام 2-سانات بويىنشا باقىلانۋدا.
مونيتورينگكە الىنعان 2 885 ادامنىڭ 724-ٸ باقىلاۋدان الىندى.
19 ناۋرىزداعى جاعداي بويىنشا, بارلىعى 2 161 ادام باقىلاۋدا قالادى. سونداي-اق, 19 ناۋرىزدا 157 ادام دەنە قىزۋىمەن جەنە جەدەل رەسپيراتورلى ۆيرۋستىق ينفەكتسييالارمەن اۋرۋحاناعا جاتقىزىلدى, ولاردىڭ 47-سٸ 1 «ب» ساناتىنا جاتقىزىلدى; 2-سانات بويىنشا – 53 ادام; 3-سانات بويىنشا – 57 ادام.
باس مەملەكەتتٸك سانيتارلىق دەرٸگەردٸڭ قاۋلىسىنا سەيكەس, بۇل ناۋقاستار الگوريتم بويىنشا جۇقپالى اۋرۋلار اۋرۋحاناسىنا جاتقىزىلادى.
ەپيدەميياعا قارسى بارلىق قاجەتتٸ شارالار, سونىڭ ٸشٸندە وقشاۋلاۋ, ەمدەۋ جەنە دەزينفەكتسييا جۇمىستارى جٷرگٸزٸلدٸ.
اتاپ ٶتٸلگەندەي, كوروناۆيرۋسقا قاتىستى احۋال دەنساۋلىق ساقتاۋ مينيسترلٸگٸنٸڭ تۇراقتى باقىلاۋىنا الىنعان.
مينيسترلٸك كوروناۆيرۋس ينفەكتسيياسىنىڭ تارالۋىن بولدىرماۋ ٷشٸن الدىن-الۋ شارالارىن ساقتاۋدى ەسكە سالادى:
- قول مەن بەتتٸ سابىنمەن جيٸ جۋىڭىز;
- ادام كٶپ جينالاتىن ورىندارعا بارماڭىز;
- ناۋقاس ادامدارمەن بايلانىسقا تٷسپەڭٸز;
- سۋىق تييۋ بەلگٸلەرٸ (دەنە قىزۋى, مۇرىننىڭ بٸتەلۋٸ, جٶتەل) بولسا, ٷيدە جەدەل جەردەم شاقىرۋ كەرەك.
بارلىق رەسمي اقپاراتتى دەنساۋلىق ساقتاۋ مينيسترلٸگٸنٸڭ سايتىنان جەنە Facebook-تەگٸ پاراقشاسىنان وقىپ, كەز كەلگەن سۇراقتار بويىنشا تەۋلٸك بويى جۇمىس ٸستەيتٸن call-ورتالىق – 1406 نٶمٸرٸنە حابارلاسۋعا بولادى.
