Parlament Senatynyń tóraǵasy Qasym-Jomart Toqaev eldegi menigitke qatysty jaǵdaiǵa pikir bildirdi, - dep habarlaidy Tengrinews.kz tilshisi.
"Meningit infektsiiasynyń taralýy kónýge bolmaityn jaǵdai. Osy profildegi ministrlik keshirilmeitin jaibasarlyq pen batylsyzdyq tanytyp otyr", - dep jazdy Toqaev Twitter jelisindegi paraqshasynda.
Onyń aitýynsha, Parlament senatynyń depýtattary úkimettegilerge saýalhat joldaidy.
Munyń aldynda densaýlyq saqtaý ministri meningokokk infektsiiasyna bailanysty karantin jariialanbaitynyn aitqan edi. "Meningokokk infektsiiasyn juqtyrǵandar men qaitys bolǵandardyń sanyn jasyrmaimyz. Qazir karantin jariialaýdyń qajeti joq. (...) Qazaqstandyqtardan dárigerler aitqan keńesterdi tyńdaýlaryn suraimyz", - degen edi Birtanov.
Sondai-aq, osyǵan deiin ministr Qazaqstanda 2018 jyldyń basynan beri meningokokk infektsiiasynan 12 adamnyń qaitys bolǵanyn málimdegen edi.
Eske sala keteiik, 3 maýsymda Almaty oblysynda 19 jastaǵy qyzdyń meningokokk infektsiiasynan qaitys bolǵany habarlanǵan edi. Sondai-aq, búgin Qyzylordada 27 jastaǵy er adamnyń meningokokk infektsiiasynan qaitys bolǵany aityldy.
