Densaýlyq saqtaý ministri Aleksei Tsoi tek qazaqstandyq vaktsinany saldyratynyn aitty, dep habarlaidy QazAqparat.
«Qazaqstanda vaktsinalaýǵa jiberilgen barlyq ekpeler tekserilgen ári qaýipsiz bolyp sanalady. Ózderińiz bilesizder, reseilik «Spýtnik V» keldi, Densaýlyq saqtaý ministrligi boiynsha jáne óńirlerdegi áriptesterimiz, sondai-aq meditsinalyq qyzmetkerler vaktsinany saldyryp jatyr. Bul vaktsina tiimdi jáne qaýipsiz sanalyp otyr. Sonymen qatar Qazaqstanda «QazCovid-In vaktsinasy daiyndalyp jatyr. Onyń tehnologiiasy ózgesheleý. Bizde oǵan qatysty zertteýler airyqsha baqylaýda tur. Qazirgi kezde klinikalyq zertteýdiń sońǵy úshinshi fazasy júrip jatyr, 3 myń erikti ekpe saldyrdy», - dedi ministr Ortalyq kommýnikatsiialar qyzmetinde.
Osy oraida ol otandyq vaktsina boiynsha jaqsy nátije bolyp otyrǵanyn jetkizdi.
«Densaýlyq saqtaý ministri retinde qazaqstandyq vaktsinany qoldaǵym keldi. Vaktsina shyqqan kezde, iaǵni bizde resmi túrde jiberilgende alǵashqylardyń qatarynda ony saldyramyn», - dedi Aleksei Tsoi.
