Búgin QR Parlamenti Májilisiniń Áleýmettik-mádeni damý komitetiniń otyrysynda QR Densaýlyq saqtaý ministri laýazymyna Eljan Birtanovtyń kandidatýrasy maquldandy, dep habarlaidy "Ult aqparat" Májilistiń baspasóz qyzmetine silteme jasap.
Bul talqylaý QR Parlamenti Májilisiniń Áleýmettik-mádeni damý komitetiniń otyrysynda «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasynyń Konstitýtsiialyq zańyna sáikes ótkizildi.
QR Premer-Ministriniń tapsyrmasymen kandidatýrany QR Premer-Ministri Keńsesiniń jetekshisi Nurlan Aldabergenov usyndy.
Talqylaýdan keiin Birtanov Eljan Amantaiulynyń kandidatýrasyn QR Densaýlyq saqtaý ministri laýazymyna usynýǵa bolatyny týraly Tujyrymdama bekitildi.
Eljan Amantaiuly Birtanov 1971 jyly 18 qazanda Jambyl qalasynda dúniege keldi.
Almaty memlekettik meditsina ýniversitetin, Arizona shtatynyń ýniversitetin, Resei diplomynan keiingi meditsinalyq bilim akademiiasyn, Sharite Ýniversitettik klinikasyn (Germaniia), Turan ýniversitetin, Duke University, Fugua School of Business (AQSh), Global Executive MVA magistratýrasyn bitirdi.
Almaty qalasynda jedel meditsinalyq kómek aýrýhanasynyń reanimatolog-dárigeri, Respýblikalyq toksikologiia ortalyǵynyń basshysy, QR Densaýlyq saqtaý ministrliginiń bas toksikology, QR Densaýlyq saqtaý ministrliginiń «Densaýlyq saqtaýdy damytý institýty» RMK direktory, QR Premer-Ministriniń keńesshisi, «Ulttyq meditsinalyq holding» AQ Basqarma tóraǵasynyń orynbasary, QR Densaýlyq saqtaý vitse-ministri, «Ulttyq meditsinalyq holding» AQ Basqarma tóraǵasy bolyp jumys istedi.
2014 jylǵy mamyrdan bastap - Memlekettik-jekemenshik áriptestik jobalaryn súiemeldeý ortalyǵy basqarmasynyń tóraǵasy. 2015-2017 jyldary QR Densaýlyq saqtaý jáne áleýmettik damý vitse-ministri. 2017 jyldan búgingi kúnge deiin QR Densaýlyq saqtaý ministri boldy.
Qazaqstan Respýblikasynyń densaýlyq saqtaý isiniń úzdigi. Meditsina ǵylymynyń doktory.
