Densaýlyq saqtaý ministri Aqmaral Álnazarova óziniń áleýmettik jelide jariialaǵan sýretterindegi Dolce & Gabbana brendiniń kóilegi men qymbat sómkelerine qansha aqsha jumsaǵany týraly suraqqa jaýap berdi. Bul týraly "Ult aqparat" Stan.kz aqparat agenttigine silteme jasap habarlaidy.
Jýrnalister ministrden ondai qymbat brendterden kiiný úshin qansha jalaqy alý kerek ekenin surady.
"Brendterdiń jankúierimin dep aita almaimyn. Meniń úlken garderobym joq. Fotodaǵy sómke qarapaiym qyzdardyń da qaltasy kóteretin sómke, baǵasy 250 myń teńge. Al kóilekti ózimniń mereitoiyma eńbek demalysymda alǵan aqshaǵa satyp aldym. Quny esimde joq, 800-900 myń teńgeniń arasynda", – dedi Álnazarova.
Ministr óziniń jańa qyzmettegi jalaqysy týraly suraqqa da jaýap berdi.
"Men áli jalaqy alǵan joqpyn, biraq kóp bolady dep oilamaimyn", – dedi ministr.
Eske salsaq, buǵan deiin densaýlyq saqtaý ministri aýylda meditsinalyq nysandar salýǵa 100 milliard teńge suraǵany týraly jazǵan edik.
