دەنساۋلىق ساقتاۋ مينيسترٸ اقمارال ەلنازاروۆا ٶزٸنٸڭ ەلەۋمەتتٸك جەلٸدە جارييالاعان سۋرەتتەرٸندەگٸ Dolce & Gabbana برەندٸنٸڭ كٶيلەگٸ مەن قىمبات سٶمكەلەرٸنە قانشا اقشا جۇمساعانى تۋرالى سۇراققا جاۋاپ بەردٸ. بۇل تۋرالى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ حابارلايدى.
جۋرناليستەر مينيستردەن ونداي قىمبات برەندتەردەن كيٸنۋ ٷشٸن قانشا جالاقى الۋ كەرەك ەكەنٸن سۇرادى.
"برەندتەردٸڭ جانكٷيەرٸمٸن دەپ ايتا المايمىن. مەنٸڭ ٷلكەن گاردەروبىم جوق. فوتوداعى سٶمكە قاراپايىم قىزداردىڭ دا قالتاسى كٶتەرەتٸن سٶمكە, باعاسى 250 مىڭ تەڭگە. ال كٶيلەكتٸ ٶزٸمنٸڭ مەرەيتويىما ەڭبەك دەمالىسىمدا العان اقشاعا ساتىپ الدىم. قۇنى ەسٸمدە جوق, 800-900 مىڭ تەڭگەنٸڭ اراسىندا", – دەدٸ ەلنازاروۆا.
مينيستر ٶزٸنٸڭ جاڭا قىزمەتتەگٸ جالاقىسى تۋرالى سۇراققا دا جاۋاپ بەردٸ.
"مەن ەلٸ جالاقى العان جوقپىن, بٸراق كٶپ بولادى دەپ ويلامايمىن", – دەدٸ مينيستر.
ەسكە سالساق, بۇعان دەيٸن دەنساۋلىق ساقتاۋ مينيسترٸ اۋىلدا مەديتسينالىق نىساندار سالۋعا 100 ميلليارد تەڭگە سۇراعانى تۋرالى جازعان ەدٸك.
