Búgin Densaýlyq saqtaý birinshi vitse-ministri Marat Shoranov Nur-Sultan qalasyndaǵy № 9 emhana bazasynda Qazaqstanda ázirlenip, jasalǵan QAZVAC koronavirýs infektsiiasyna qarsy vaktsinany saldyrdy. Bul týraly atalmysh vedomostvonyń baspasóz qyzmeti habarlady.
Hattamaǵa sáikes, M. Shoranov meditsinalyq tekserýden ótip, dárigerdiń qorytyndysynan keiin egý kabinetine bardy. Reseilik «Spýtnik V» vaktsinasynan aiyrmashylyǵy, bir QAZVAC qutysy bir adamǵa arnalǵan.
Ekpe alǵannan keiin Densaýlyq saqtaý vitse-ministri 30 minýt meditsinalyq baqylaýda boldy.
«Búginnen bastap qazaqstandyq vaktsinany bizdiń azamattarymyz saldyra alady. 50 myń dozalyq birinshi partiiasy óńirlerge jóneltildi. Ózderińiz biletindei, buryn meniń áriptesterim Ajar Ǵiniiat pen Erlan Qiiasov Spýtnik V vaktsinasyn birinshi bolyp saldyrǵan, búgin biz Densaýlyq saqtaý ministri Aleksei Vladimirovichpen birge azamattarǵa preparattyń qaýipsiz ekenin kórsetý úshin otandyq óndiristiń vaktsinasyn aldyq», - dep atap ótti M.Shoranov.
