بٷگٸن دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ نۇر-سۇلتان قالاسىنداعى № 9 ەمحانا بازاسىندا قازاقستاندا ەزٸرلەنٸپ, جاسالعان QAZVAC كوروناۆيرۋس ينفەكتسيياسىنا قارسى ۆاكتسينانى سالدىردى. بۇل تۋرالى اتالمىش ۆەدوموستۆونىڭ باسپاسٶز قىزمەتٸ حابارلادى.
حاتتاماعا سەيكەس, م. شورانوۆ مەديتسينالىق تەكسەرۋدەن ٶتٸپ, دەرٸگەردٸڭ قورىتىندىسىنان كەيٸن ەگۋ كابينەتٸنە باردى. رەسەيلٸك «سپۋتنيك V» ۆاكتسيناسىنان ايىرماشىلىعى, بٸر QAZVAC قۇتىسى بٸر ادامعا ارنالعان.
ەكپە العاننان كەيٸن دەنساۋلىق ساقتاۋ ۆيتسە-مينيسترٸ 30 مينۋت مەديتسينالىق باقىلاۋدا بولدى.
«بٷگٸننەن باستاپ قازاقستاندىق ۆاكتسينانى بٸزدٸڭ ازاماتتارىمىز سالدىرا الادى. 50 مىڭ دوزالىق بٸرٸنشٸ پارتيياسى ٶڭٸرلەرگە جٶنەلتٸلدٸ. ٶزدەرٸڭٸز بٸلەتٸندەي, بۇرىن مەنٸڭ ەرٸپتەستەرٸم اجار عينييات پەن ەرلان قيياسوۆ سپۋتنيك V ۆاكتسيناسىن بٸرٸنشٸ بولىپ سالدىرعان, بٷگٸن بٸز دەنساۋلىق ساقتاۋ مينيسترٸ الەكسەي ۆلاديميروۆيچپەن بٸرگە ازاماتتارعا پرەپاراتتىڭ قاۋٸپسٸز ەكەنٸن كٶرسەتۋ ٷشٸن وتاندىق ٶندٸرٸستٸڭ ۆاكتسيناسىن الدىق», - دەپ اتاپ ٶتتٸ م.شورانوۆ.
