QR Densaýlyq saqtaý ministrligi dárigerlerge qurylysqa arnalǵan qorǵanys kostiýmderin satyp alý faktisi boiynsha tekserý júrgizýde. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihaty barysynda jýrnalister vitse-ministrge Almaty qalasynda dárigerlerge satyp alynǵan jeke qorǵanys zattaryna qatysty daýǵa bailanysty saýal qoiǵan bolatyn. Este bolsa, Almaty qalasy sanitariialyq-epidemiologiialyq baqylaý departamentiniń bastyǵy Jandarbek Bekshin 90 mln teńge satyp alynǵan jeke qorǵanys zattarynyń sapasyz ekendigin aitqan edi.
«Bul oqiǵaǵa qatysty jeke tekserý júrgizemiz. Al jalpy jeke qorǵanys zattary tóńiregindegi jaǵdaiǵa qatysty aitar bolsam, bizdiń bastamamyzben atalǵan materialdar sot satysyna berilgenin bilesizder. Buǵan qosa, Densaýlyq saqtaý ministrligi tarapynan Sybailas jemqorlyqpen kúres agenttiginiń aýmaqtyq basqarmasyna tiisti hat jóneltildi. Qazirgi ýaqytta bul máselege qatysty qabyldanǵan sot sheshimi ókinishke orai departament paidasyna berilmedi. Búginde atalǵan sheshimge daýlasý jumysy júrgizilip jatyr. Sottyń sońǵy sheshimi qabyldanǵanan keiin sol sheshimge bailanysty tiisti is-sharalar qabyldanatyn bolady», - dedi Erlan Qiiasov.
