قر دەنساۋلىق ساقتاۋ مينيسترلٸگٸ دەرٸگەرلەرگە قۇرىلىسقا ارنالعان قورعانىس كوستيۋمدەرٸن ساتىپ الۋ فاكتٸسٸ بويىنشا تەكسەرۋ جٷرگٸزۋدە. بۇل تۋرالى قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا جۋرناليستەر ۆيتسە-مينيسترگە الماتى قالاسىندا دەرٸگەرلەرگە ساتىپ الىنعان جەكە قورعانىس زاتتارىنا قاتىستى داۋعا بايلانىستى ساۋال قويعان بولاتىن. ەستە بولسا, الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باستىعى جانداربەك بەكشين 90 ملن تەڭگە ساتىپ الىنعان جەكە قورعانىس زاتتارىنىڭ ساپاسىز ەكەندٸگٸن ايتقان ەدٸ.
«بۇل وقيعاعا قاتىستى جەكە تەكسەرۋ جٷرگٸزەمٸز. ال جالپى جەكە قورعانىس زاتتارى تٶڭٸرەگٸندەگٸ جاعدايعا قاتىستى ايتار بولسام, بٸزدٸڭ باستامامىزبەن اتالعان ماتەريالدار سوت ساتىسىنا بەرٸلگەنٸن بٸلەسٸزدەر. بۇعان قوسا, دەنساۋلىق ساقتاۋ مينيسترلٸگٸ تاراپىنان سىبايلاس جەمقورلىقپەن كٷرەس اگەنتتٸگٸنٸڭ اۋماقتىق باسقارماسىنا تيٸستٸ حات جٶنەلتٸلدٸ. قازٸرگٸ ۋاقىتتا بۇل مەسەلەگە قاتىستى قابىلدانعان سوت شەشٸمٸ ٶكٸنٸشكە وراي دەپارتامەنت پايداسىنا بەرٸلمەدٸ. بٷگٸندە اتالعان شەشٸمگە داۋلاسۋ جۇمىسى جٷرگٸزٸلٸپ جاتىر. سوتتىڭ سوڭعى شەشٸمٸ قابىلدانعانان كەيٸن سول شەشٸمگە بايلانىستى تيٸستٸ ٸس-شارالار قابىلداناتىن بولادى», - دەدٸ ەرلان قيياسوۆ.
