Foto: ashyq derekkóz
Densaýlyq saqtaý ministrliginiń baspasóz qyzmetiniń habarlaýynsha, vedomostvo Ishki ister ministrligimen birlesip, meditsinalyq qarsy kórsetilimderi bar adamdardyń kólik quraldaryn basqarýyna jol bermeý jáne olardyń qoljetimdiligin shekteý baǵytynda júieli jumys bastaǵan.
«2025 jyldyń 10 jeltoqsanyndaǵy jaǵdai boiynsha sot organdaryna 4 540 talap-aryz jiberilip, olardy qaraý nátijesinde 1787 júrgizýshi kýáliginiń kúshi joiyldy. Atalǵan azamattardyń meditsinalyq qarsy kórsetilimderine bailanysty kólik quralyn basqarýǵa quqyǵy bolmaǵan», - delingen málimette.
Sonymen qatar eki vedomostvo arasynda psihonevrologiialyq jáne narkologiialyq esepte turǵan azamattar týraly derekterdi naqty ýaqyt rejiminde berý jáne jańartý qamtamasyz etilgen.
