Qalmuhanbet Qasymov mánerlep syrǵanaýshy Denis Tenniń ólimine qatysty úshinshi kúdiktige qandai aiyp taǵylyp otyrǵanyn aitty, dep habarlaidy QazAqparat tilshisi.
«Iá, eki qylmyskerge urlyq, qaraqshylyq jáne kisi ólimi boiynsha aiyp taǵylyp otyr. Al bul áielge «bile tura habar bermeý» aiyby taǵylýda. Qyrkúiek aiynyń sońyna deiin isti sotqa joldaimyz», - dedi ministr OKQ-da ótken baspasóz máslihatynda.
Eske sala ketsek, buǵan deiin Denis Tenniń ólimine qatysty úshinshi adam - Janar Tolybaeva 2 aiǵa qamaýǵa alynǵanyn habarlaǵan bolatynbyz.
Almaty qalalyq soty baspasóz qyzmetiniń málimetinshe, ustalǵan adamǵa qatysty 2 aiǵa qamaý týraly bultartpaý sharasy qoldanylǵan.
«Almaly aýdandyq sotyna Janar Tolybaevany eki aiǵa qamaýǵa alý týraly bultartpaý sharasyn sanktsiialaýǵa ótinish tústi. Áiel adam QR QK 434-baby men 188-babynyń 2-bólimimen 2 aiǵa qamaýǵa alyndy», - dep habarlady qalalyq sottan.
