Qazaqstannyń mádeniet jáne sport ministrligi Almaty ákimdigimen birge Denis Tenniń jerleý rásimin uiymdastyrady, dep habarlaidy "Ult aqparat" sputniknews.kz agenttigine silteme jasap.
"Ministr Arystanbek Muhamediuly Almaty ákimidigimen birge Denistiń ata-anasyna kóńil aitýǵa barady. Jerleý rásimin uiymdastyrýdy ministrlik pen ákimdik moinyna alady", – dep habarlady Qazaqstan mádeniet jáne sport ministrligi sport komitetiniń baspasóz qyzmeti.
Sonymen birge, erteń ataqty sportshynyń jerleý rásimi qashan jáne qaida ótetini belgili bolady. Boljam boiynsha, senbi 21 shilde kúni ótýi tiis.
Beisenbi 19 shildede tanymal qazaqstandyq mánerlep syrǵanaýshy Denis Ten Almaty aýrýhanasynda pyshaq jaraqatynan kóz jumdy.
