Tanymal mánerlep syrǵanaýshy Denis Tendi óltirgender ómir boiyna abaqtyǵa jabylýy múmkin, dep habarlaidy QazAqparat tilshisi.
Atyshýly is boiynsha sotqa deiingi tergeý jumystary QR Qylmystyq kodeksiniń 99-baby, 2-bóligi - adam óltirý boiynsha júrgizilýde.
Bul bapqa sáikes, adam óltirgen qylmysker 15 jyldan 20 jylǵa deiingi merzimge sottalýy nemese ómir boiyna bas bostandyǵynan aiyrylýy múmkin. Sondai-aq dúnie-múlkin tárkileý qarastyrylǵan.
Qylmystyq kodekstiń 99-baby, 2-bóligi paida tabý maqsatymen, sol siiaqty jaldanyp jasalǵan ne qaraqshylyqpen nemese qorqytýmen bailanysty adam óltirý qylmystaryn kózdeidi.
Qazaqstandyq mánerlep syrǵanaýshy Denis Ten 19 shilde kúni pyshaq jaraqatynan qaza bolǵan edi. Oqiǵa Qurmanǵazy Baiseiitova kósheleriniń qiylysynda 19 shildede túski saǵat 15:00 shamasynda bolǵan. Sportshy kóliginiń ainasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denis Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh litr qan joǵaltyp, aýrýhanaǵa óte aýyr jaǵdaida jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsinov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanimatsiialyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olimpiada júldegeri qaitys boldy.
Adam óltirý babymen qylmystyq is qozǵaldy.
Búgin belgili bolǵandai, sportshynyń ólimine qatysy bar eki kúdiktiniń biri ustalyp, ol qylmysyn moiyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqai aýylynyń týmasy Arman Qudaibergenovke izdeý jariialandy.
25 jasynda ómiri úzilgen sportshymen qoshtasý rásimi 21 shilde kúni Almatydaǵy Balýan Sholaq atyndaǵy sport saraiynda ótedi. Bastalýy - saǵat 10:00-de. Sondai-aq bir mezgildegi qoshtasý rásimi 21 shilde kúni Astanada qalasyndaǵy "Barys-Arena" stadionynda ótedi.
