Mádeniet jáne sport ministrliginiń resmi saitynda jariialanǵan «Bizdiń Denis» kitabynyń elektrondyq nusqasyn júktep alýshylar qatary kóbeigen, dep habarlaidy "Ult aqparat".
Ministrliktiń baspasóz qyzmetiniń habarlaýynsha, eki kúnniń ishinde elektrondy kitapty 100 myń adam júktep alǵan. Sonyń ishinde Qazaqstan (50 protsent), Resei (12 protsent), Qyrǵyzstan (7 protsent), Ońtústik Koreia (6 protsent), Ózbekstan (5 protsent), Frantsiia (5 protsent), Amerika (4 protsent), Túrkiia (4 protsent), Italiia (3 protsent), Kanada (2 protsent) jáne taǵy basqa elderdiń azamattary bar.
Aita keteiik, QR Mádeniet jáne sport ministrliginiń tapsyrysy boiynsha QR Ulttyq kitaphanasy qazaqstandyq tanymal mánerlep syrǵanaýshy Denis Tenniń qaza tabýyna bailanysty «Bizdiń Denis» dep atalatyn kitap shyǵardy. Kitapta sportshynyń ómirbaiany, jarqyn suhbattary, sondai-aq el, otbasy jáne ómir týraly aitylǵan pikirleri keltirilgen. Onda Denistiń sirek kezdesetin jáne jarystar men ár túrli is-sharalardan estelik fotosýretteri, sondai-aq álemdik jáne qazaqstandyq juldyzdardyń estelikteri bar.
