Olimpiada chempiony Denis Tenniń ólimine kúdikti Arman Qudaibergenov qaiǵyly oqiǵadan 10 kún buryn elordada ustalyp, Astana aýmaǵynan tys shyqpaý jóninde qolhat bergen. Bul jóninde QR IIM ótken brifing barysynda QR Ishki ister ministriniń orynbasary Rashid Jaqypov málimdedi, dep habarlaidy Baq.kz tilshisi.
Brifng barysynda vitse-ministrge saýal qoiǵan jýrnalister qoǵamdyq belsendiler Ishki ister ministrliginiń qurylymyn reformalaýdy talap etip, tamyz aiynyń basynda beibit mitingke shyǵýdy josparlap otyrǵanyn, osy oarida IIM buǵan tosqaýyl jasap, adamdardy qamaýǵa alýyn múmkin be ekenin surady.
«Beibit mitingter men sherýler ótkizýge qatysty sáikes zańnama boiynsha mundai sharalardy ótkizýge jergilikti biliktiń ruqsaty kerek. Eger bilik ruqsat berse, onda, árine, ol miting ótedi. Aita ketý kerek, Ishki ister ministrligi memlekettik organ retinde mitingterdi taratý nemese toqtatý boiynsha óz betinshe sheshim qabyldamaidy», - dedi vitse-ministr.
Sonymen qatar, ol Denis Tenniń ólimine qatysy bar kúdiktilerdiń biri Astanada kólik ainalaryn urlaý ustinde ustalǵanyna qatysty pikir bildirdi.
«Rasynda da Arman Qudaibergenovti astanalyq patrýldik beket shilde kúni jasaǵy kólik ainalaryn urlaý ústinde ustaǵan. Oǵan qatysty zańǵa sáikes, jedeldetilgen protsedýrada sotqa deiingi tergeý amaldary bastalǵan. Bul protsedýra boiynsha tergeý 15 kúnde júrýi tiis jáne bultartpaý sharasy retinde tirkelip turý sharasy qoldanylǵan. Tirkelý mindettemesi kúdiktiniń qalalarǵa barýyna shekteý salmaidy, tek belgilengen ýaqytta kelip tursa jetkilikti», - dedi Rashid.
Eske sala ketsek, BAQ-ta jariialanǵan aqparatqa sáikes, Denis Tenniń ólimine kúdiktilerdiń biri Arman Qudaibergenov 11 shilde kúni astanalyq turǵynnyń kólik ainasyn urlaý ústinde Astana politseilerine ustalǵanyn, Almaty aýdanynyń ishki ister bólimine jetkizilgen. Is boiynsha sot tyńdalymy 20 shildede Astanadaǵy Almaty aýdandyq sotynda ótýi tiis edi. Alaida, bul kúni keshke A. Qudaibergenov tanymal sportshynyń ólimine kúdikti bolyp, Almatyda ustaldy. Keiinirek anyqtalǵandai, kólik urysy qala aýmaǵynan shyqpaý týraly qolhat jazyp bosatylǵan. Biraq, ol Almaty qalasyna ketip, urlyǵyn jalǵastyrǵan.
Brifing barysynda, sondai-aq, ministrdiń orynbasary politsiia Denis Tenniń ólimine qatysy bar kúdikti retinde kezdeisoq adamdardy qamaýǵa almaǵanyn málimdedi.
