Qazaqstandyq konkishi Denis Kýzin Beijiń Olimpiadasynda 1000 metrge júgirýden synǵa túsip, osy jaryspen birge sporttyq mansabyn da aiaqtaitynyn málimdedi, dep jazady Olympic.kz.
«Jarysqa qatysty eshqandai pikir aita almaimyn. Tek Qazaqstan halqynan dostarym men tanystarymnan, búgin maǵan jankúier bolǵan jandardan keshirim suraimyn. Búgingi jarysta ne bolǵanyn, nelikten mundai nátije kórsetkenimdi bilmeimin. Eshteńemen aqtala almaimyn. Tek óte nashar óner kórsetkenimdi bilemin. Ásirese, óz mansabymdaǵy eń sońǵy básekede...
Negizi, qysqa qashyqtyqtar boiynsha ótetin álem birinshiliginde aiaqtasam dep oilaǵanmyn. Biraq ózimniń búgingi nátijemnen soń sporttaǵy ǵumyryma núkte qoiamyn dep sheshtim. Ári qarai ne bolaryn oilaý qiyn. Aldaǵy múmkindikterimdi baiqaý kerek. Qorqynyshty. Sportqa 23 jylymdy berdim, qolymnan keleri de az. Aldaǵy ýaqytta kóremiz bárin», - dedi Kýzin.
Aita ketelik, Beijiń oiyndaryn Kýzin qatysyp otyrǵan tórtinshi Olimpiada.
