QR DSM «Dərilik zattar men meditsinalyq buiymdardy saraptaý ulttyq ortalyǵynyń» bas direktory Arnur Nurtaev elimizdegi meditsinalyq maska jetispeýshiligi máselesin túsindirdi, dep habarlaidy QazAqparat.
«Ókinishke qarai, meditsinalyq maskany barlyq adam jappai satyp alýǵa tyrysýda. Al álem mamandary, AQSh-tyń basty epidemiology maskany tek jiti respiratorlyq virýs aýrýyn juqtyrǵandar ǵana kiiýi kerektigin aityp júr. Iaǵni, tumaý sekildi aýa-tamshy jolymen juǵatyn aýrý belgileri baiqalǵan adam virýsty taratpaý úshin maska kiiýi qajet. Saý adamdardyń maska kiiýi mindetti emes», - dedi A. Nurtaev Ortalyq kommýnikatsiialar qyzmetinde ótken baspasóz qyzmetinde.
Onyń aitýynsha, meditsinalyq maskanyń ornyna gigiena talaptaryn saqtaýdyń ózi jetkilikti.
«Adamdar ortaq zattardy qoldanyp, ózgelermen amandasady da, sol qolmen maskasyn ustaidy. Bul virýs juqtyrý qaýpin kóbeite túsedi. Maska kiiýdiń ornyna qoldy jii jýyp, gigiena talaptaryn saqtaýdyń ózi jetkilikti», - dedi A. Nurtaev.
Aqpan aiynyń basynda dárihanalar jelisinde 9 mln dana maska bolǵan jáne bul kórsetkish ai saiynǵy azamattardy respiratorlyq aýrýlardan qorǵaýǵa jetetin.
«Alaida, koronavirýstyq infektsiia boiynsha dúrligý saldarynan halyq meditsinalyq maskalardy kóptep satyp ala bastady. Qazirgi ýaqytta dárihanalarda 1 mln dana betperde qaldy jáne suranys 30 mln danaǵa deiin ósti», - dedi spiker.
Onyń aitýynsha, otandyq meditsinalyq betperde óndirýshiler bir aida 6 mln-nan astam nemese kúnine 180-200 myńǵa jýyq maska shyǵarady. Bul buiymdar eń aldymen memlekettik meditsinalyq mekemelerge jiberiledi.
«Memlekettik meditsinalyq mekemelerdi qamtamasyz etý úshin 7,5 mln astam maska satyp aldyndy. Qazirgi ýaqytta barlyq meditsinalyq uiymdarda, ásirese tumaý syndy infektsiia juqtyrǵan naýqastarmen jumys isteitin mamandar meditsinalyq maskamen tolyq qamtylǵan», - dedi A. Nurtaev.
Sonymen birge, vedomtsvoaralyq komissiia otandyq kásiporyndar óndirgen maskalardy el aýmaǵynan shyǵarýǵa tyiym salǵan. Bul tyiym áli de óz kúshinde.
