Densaýlyq saqtaý ministrligi Qazaqstan aýmaǵynda tirkelgen, quramynda paratsetamoly bar, dene qyzýyn túsiretin, virýsqa jáne bakteriiaǵa qarsy dári-dármektiń tizimin usyndy, dep habarlaidy "Ult aqparat".
Ministrliktiń málimetinshe, ár dári-dármektiń birneshe ataýy bolady. Onyń ishinde halyqaralyq patenttelmegen ataýy, himiialyq jáne kommertsiialyq ataýy bar. Halyqaralyq ataýyn Dúniejúzilik densaýlyq saqtaý uiymy bekitse, himiialyq ataýy kúrdeli, aitýǵa aýyr bolýy múmkin.
Al endi satylymǵa shyqqan kezde farmkompaniialar dáriniń ataýyn óz qalaýynsha qoia beredi. Mysaly tseftriakson - preparattyń halyqaralyq patenttelmegen ataýy, al ony kompaniialar saýdaǵa shyǵarǵan kezde Abitraks, Tsefakson, Akson, Belatsef, Sefabel jáne basqa ataýlarmen sata beredi. Biraq barlyǵynyń quramynda tseftriakson bar. Sondai-aq azitromitsin dárisiniń de Azitromitsin Sandoz ® , Azitrýs, Zitmak sekildi túrleri barshylyq.
Qazaqstannyń dári-dármek memlekettik reestrinde dene qyzýyn túsiretin paratsetamol halyqaralyq patenttelmegen ataýymen 86 dári tirkelgen. Onyń ishinde otandyq preparat ta, shetelde óndirilgeni de az emes.
Sonymen qatar, antibakteriialyq - 108, virýsqa qarsy - 29 túrli dári bar. Onyń tizimi tómende keltirilgen.
