QURMETTI QAZAQSTANDYQTAR!
Biz, Demokratiialyq kúshterdiń «Qazaqstan-2050» jalpyulttyq koalitsiiasynyń músheleri, elimizdiń jetekshi saiasi partiialarynyń, Qazaqstan halqy Assambleiasynyń, iri qoǵamdyq birlestikterdiń, úkimettik emes uiymdardyń, barlyq áleýmettik toptar men aimaqtardyń múddesin bildiretin ókilderi:
táýelsiz Qazaqstannyń myqty, jetistikti jáne álemniń barlyq elderine syily memleket bolyp qalyptasýyndaǵy elimizdiń Tuńǵysh Prezidentiniń úzdik kóshbasshylyǵy men tarihi rólin joǵary baǵalai otyryp;
elimizdiń saiasi, ekonomikalyq jáne áleýmettik salasynyń odan ári jańǵyrýyndaǵy Elbasynyń Memlekettik ustanymyn tolyq qoldai otyryp;
úshinshi jańǵyrýdyń ulttyq jobalary men tarihi oqiǵalary – EKSPO Astana-2017 halyqaralyq kórmesi, Shanhai Yntymaqtastyq uiymy sammiti, Islam yntymaqtastyǵy uiymynyń (IYU) ǵylym jáne tehnologiialar jónindegi birinshi sammitiniń teńdessiz tabystary men joǵary jasampazdyq rýhyn quptai otyryp;
memleket pen onyń ekonomikasyn tolyq kólemde jańǵyrtý jáne «Qazaqstan-2050» strategiiasynyń maqsattaryna jetý úshin qoǵamdyq sanany ozyq úlgide jańǵyrtý qajettiligi týraly Elbasynyń pozitsiiasyn tutas qoldai otyryp;
Qazaqstandyq ultty rýhani jańǵyrtý negizinde qazaq tilin latyn qarpine kóshirý jónindegi Qazaqstan Prezidenti bastamasynyń airyqsha mańyzdylyǵyn esepke ala otyryp;
Qazaqstan azamattarynyń jáne keleshek urpaqtyń aldyndaǵy tarihi jaýapkershilikti sezine otyryp;
Qazaqstannyń barlyq azamattaryn Elbasynyń qazaq tilin latyn qarpine kóshirý jónindegi bastamasyn talqylaýǵa belsendi qatysýǵa jáne qoldaýǵa shaqyramyz.
Elbasy usynyp otyrǵan memlekettik til jazýynyń jańǵyrtylýynda tereń tarihi logika bar.
Qazirgi ýaqytta memleketter men ulttarǵa asa qatal talap qoiylyp otyr. Óz dástúri men qundylyqtaryn, mádenieti men tilin joǵaltpai turaqty jańarýǵa, jańǵyrýǵa, básekelik artyqshylyqtaryn kúsheitýge baǵyttalǵandardyń ǵana derbes bolashaǵy bar.
Latyn álipbii álemde eń keń taralǵan. Latyn grafikasy qazirgi zamanǵy tehnologiialyq ortanyń, baǵdarlamalaýdyń jáne infokommýnikatsiialyq tehnologiialardyń barlyq tilderiniń simvoldyq negizi bolyp tabylady.
Qazirgi zamandaǵy álemde innovatsiialardyń, ǵylymi jańalyqtar men bilim berý ádebietiniń basym kópshiligi aǵylshyn tilinde jariialanady.
Aǵylshyn álipbiiniń negizinde latyn qarpine kóshý qazaq tiliniń jańa evoliýtsiialyq kezeńi bolyp tabylady. Latynǵa kóshý arqyly biz ultymyzdyń álemdik básekege qabilettiligin arttyratyn úsh máseleni sheshemiz. Birinshiden, aǵylshyn alfavitiniń negizindegi jańa qarip júiesi jastarymyzdyń da jasamystarymyzdyń da aǵylshyn tilin meńgerýin jeńildetedi ári jedeldetedi. Ekinshiden, aǵylshyn alfaviti men tilin úirený arqyly ǵylym-bilimniń osy tilde jasalǵan mol qazynasyn erkin igerýge jol ashady. Úshinshiden, jer júzine tarydai shashylǵan bar qazaqtyń basyn qosady. Latyn qarpine kóshe otyryp, qazirgi zamanǵy qazaq tili básekege qabilettirek bolady, óz damýy men tanymaldylyǵynda jańa impýls alady.
Memleket basshysy atap ótkendei, «latyn qarpi bizge búkil álem halyqtarymen, álemdik ǵylym jáne bilim berýmen ashyq qarym-qatynas jasaý úshin kerek».
Memlekettik tildiń jańa álipbii qazaqstandyqtardyń nyǵaiýy men birliginiń myqty quraly retinde qyzmet etýi tiis. Latyn jazýy – bul Qazaqstannyń damyǵan demokratiialyq memleket bolýy men álemniń eń damyǵan 30 eliniń qataryna qosylý umtylysyndaǵy derbes órkeniettik tańdaýy.
Elbasymyz «latyn qarpine kóshý orys tili men kirillitsadan bas tartýdy bildirmeidi. Biz barlyq Qazaqstan azamattary tilderiniń úshtuǵyrlyǵyn qamtamasyz ete otyryp, biregei bailyǵymyz – bilingvizmdi aǵylshyn tilin meńgerýmen nyǵaityp, tolyqtyrýymyz qajet» dep erekshe atap ótti.
Latyn qarpine kóshý – bizdiń elimiz úshin qaǵidaly másele jáne Qazaqstannyń árbir azamatynyń qatysýyn talap etedi.
Biz Qazaqstan Táýelsizdik jyldary ótken biregei tarihi joly, jalpyulttyq birlik pen qoǵamdyq kelisim, halyqtyń rýhani kúshi, onyń ýaqyt talaptaryn qabyldap, tek alǵa júrý qabileti bizdiń memleketimizdiń jetistiginiń aiqyndaýshy faktory bolǵan jáne bolashaqta bolatynyna nyq senemiz.
Demokratiialyq kúshterdiń «Qazaqstan-2050» jalpyulttyq koalitsiiasynyń músheleri qazaqstandyqtardyń bolashaq urpaǵy úshin Elbasynyń bastamasyn qoldaýǵa barsha jáne árbir azamatyn shaqyrady.
«Nur Otan» partiiasy, «Aq Jol» Demokratiialyq partiiasy, «Aýyl» halyqtyq-demokratiialyq partiiasy, Qazaqstan Kommýnistik halyqtyq partiiasy, «Birlik» saiasi partiiasy, «Atameken» Qazaqstan Respýblikasynyń ulttyq kásipkerler palatasy, «Ardagerler uiymy» respýblikalyq qoǵamdyq birlestigi, «Respýblikalyq áielder keńesi» qoǵamdyq birlestigi, «Qazaqstannyń azamattyq aliansy» zańdy tulǵalar birlestigi, «Qazaqstan Respýblikasy Qarýly kúshteriniń ardagerleri» qoǵamdyq birlestigi, «Qazaqstan Respýblikasynyń Ulttyq injenerlik akademiiasy» respýblikalyq qoǵamdyq birlestigi, «Qazaqstan Respýblikasynyń Ulttyq ǵylymdar akademiiasy» respýblikalyq qoǵamdyq birlestigi, «Qazaqstan kásipkerleri forýmy» zańdy tulǵalar birlestigi, «Qazaqstannyń kásipker áielderi odaǵy» qoǵamdyq birlestigi, «Qazaqstan Respýblikasynyń kásipodaqtar federatsiiasy» respýblikalyq kásipodaqtar birlestigi, «G-Global Halyqaralyq hatshylyǵy» qaýymdastyǵy» zańdy tulǵalar birlestigi, «Jasyl» ekonomikany qoldaý jáne G-Global-dy damytý koalitsiiasy» zańdy tulǵalar birlestigi, «Qazaqstan tutynýshylarynyń ulttyq ligasy» qoǵamdyq birlestigi, «Qazaqstannyń isker áielder qaýymdastyǵy» respýblikalyq qoǵamdyq birlestigi, «Qazaqstan ardagerleri» Aýǵanstan soǵysy ardagerleri uiymdarynyń qaýymdastyǵy, «Qazaqstan ýkraindarynyń radasy» qoǵamdyq birlestigi, «Jańarý» sybailas jemqorlyqqa qarsy jalpyulttyq qozǵalysy» respýblikalyq qoǵamdyq birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan múgedekter konfederatsiiasy» respýblikalyq qoǵamdyq birlestigi, Qazaqstan Respýblikasy Prezidentiniń «Bolashaq» Halyqaralyq stipendiiasy stipendiattarynyń qaýymdastyǵy» qoǵamdyq birlestigi, «Qazaqstan-2050» jalpyulttyq qozǵalysy, «Juldyz» balalar qoǵamdyq uiymdarynyń odaǵy» qoǵamdyq birlestigi.
2017 jylǵy 13 qyrkúiek
Astana qalasy
Ult portaly
