Foto: Marco Bello / Reuters
AQSh prezidenti Djo Baiden óz úndeýinde nege prezidenttik jarystan shyǵý týraly sheshim qabyldaǵanyn aitty, -dep habarlaidy "Ult Aqparat".
"Meniń prezident retindegi jetistikterim, álemdegi kóshbasshylyǵym, Amerikanyń bolashaǵy týraly kózqarasym ekinshi merzimge laiyq dep sanaimyn. Biraq bizdiń demokratiiany qutqarý jolynda eshteńe tura almaidy. Bul jeke ambitsiialarǵa da qatysty", - dedi ol.
Baidenniń aitýynsha, sońǵy aptada ol el men Demokratiialyq partiiany biriktirý kerek ekenin jáne alǵa jyljýdyń eń jaqsy joly — "estafetany jańa urpaqqa berý" ekenin túsingen.
"Bul bizdiń ultty biriktirýdiń eń jaqsy tásili. Qoǵam ómirinde kóp jyldyq tájiribesi bar adamdar úshin ýaqyt pen oryn bar. Sondai — aq jańa jáne jas daýystarǵa ýaqyt pen oryn bar", -deidi ol.
Baiden óz eline sheksiz mahabatyn jetkizip, AQSh-qa prezident retinde qyzmet etý mártebe bolǵanyn aitty.
Sonymen qatar ol amerikandyqtardy prezidenttikke úmitker Kamala Harriske qoldaý kórsetýge shaqyrdy.
"Men óz tańdaýymdy jasadym, endi tańdaý sizdiki", — dedi Baiden.
.jpg)