«Qazgidromet» RMK 14-17 jeltoqsan kúnderine aýa raiy boljamyn usyndy, dep habarlaidy QazAqparat.
«Respýblikamyzdyń soltústik oblystarynda qardyń jaýýy men temperatýranyń tómendeýine yqpal etken arktikalyq sýyq front ońtústik, ortalyq jáne shyǵys óńirler arqyly Altaiǵa jyljidy. Keiin antitsiklonǵa bailanysty Qazaqstannyń qalǵan aimaqtarynda da temperatýra tómendeidi. Biraq, ol uzaqqa sozylmaidy. 16 jeltoqsanda Reseidiń Eýropalyq bóliginen respýblikanyń batys oblystaryna kezekti atmosferalyq fronttar jyljyp, jaýyn-shashyn túsedi jáne aýa temperatýrasy joǵarylaidy», - delingen habarlamada.
Respýblikanyń kóptegen óńirindegi tuman men kóktaiǵaq 14-17 jeltoqsan aralyǵynda da boljanady.
