Aldaǵy demalys kúnderi Almaty oblysyndaǵy Kólsai kólderi aýmaǵyna barýǵa tyiym salyndy, dep habarlaidy oblys ákimdigi.
Tiisti qaýlyǵa Kegen aýdanynyń bas memlekettik sanitar dárigeri qol qoidy.
«Almaty oblysy Kegen aýdany bas memlekettik sanitar dárigeriniń búgin shyqqan qaýlysy negizinde koronavirýs infektsiiasynyń taralýyna jol bermeý maqsatynda 18-19 shilde kúnderi «Kólsai kólderi» memlekettik ulttyq tabiǵi parki aýmaǵy barlyq kelýshiler úshin jabyq bolady. Barlyq turǵyndar men qonaqtardan sanitarlyq sharalardy saqtaýdy jáne saiahattardan bas tartýdy suraimyz», -delingen oblys ákimdiginde.
Eske sala keteiik, Almaty oblysynyń barlyq aýmaǵynda ótken demalys kúnderi qatań karantin jariialanǵan bolatyn.
