Sinoptikter 6-8 shildege arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK silteme jasap.
Troposferalyq aǵyndardyń meridiannan endikke aýysýyna bailanysty Qazaqstanǵa Atlantikadan aýa massalary kele bastady. Demalys jáne mereke kúnderi Reseidiń eýropalyq bóligi men Batys Sibirdiń soltústik aimaǵy arqyly yǵysyp jatqan tsiklonǵa bailanysty respýblikanyń soltústik oblystaryna atmosferalyq fronttar óz yqpalyn tigizedi. Saldarynan kei jerlerde naizaǵai jarqyldap, ótkinshi jańbyr jaýady. Kún kúrkiregende jel kúsheiedi jáne burshaq jaýýy yqtimal.
Ońtústik oblystarǵa qazir Atlantikanyń ortalyq aimaqtarynan aýa massalary jyljyp jatyr. Al bul antitsiklon jaz ýaqytynda ystyq jáne qurǵaq aýa raiyn týǵyzady. Sondyqtan Qazaqstannyń ońtústik jartysynda kópjyldyq aýa temperatýrasy kópjyldyq mánnen 1...3°S joǵary bolady. Tek taýly aimaqtarda ótkinshi jańbyr jaýýy yqtimal.
