Aldaǵy demalys kúnderi Nur-Sultan qalasynda Ashyq mobildi qosymshasynda tirkelgen birqatar biznes nysandar jumys isteidi, óitkeni qosymsha qatań karantin jaǵdaiynda jumys isteýge múmkindik beredi, dep habarlaidy QazAqparat qala ákimdigine silteme jasap.
Eger qala «qyzyl» aimaqta bolsa, onda Ashyq qosymshasyn qoldanatyn biznes ieleri «sary» aimaq úshin kózdelgen sharttar boiynsha jumys istei alady.
Búgingi tańda joba Nur-Sultan boiynsha 135 kásipkerlik sýbektisin biriktirdi. Olarǵa fitnes jáne spa, saýna, bassein, boýling, kompiýter klýby men qoǵamdyq tamaqtaný uiymdary kiredi.
Aita ketý kerek, bul kásiporyndar ótken jyly tótenshe jaǵdai jariialanǵannan keiin jabylyp, toqtatyldy. Ashyq qosymshasy toqtap qalǵan kásiporyndarǵa jumysyn qaita bastaýǵa múmkindik beredi.
Ashyq pilottyq jobasynyń basty maqsaty – kelýshiler men qyzmetkerlerdiń qaýipsizdigin qamtamasyz etý. Sebebi barlyq azamattar qoǵamdyq oryndarǵa barý arqyly ózin-ózi oqshaýlaý rejimin saqtamaidy jáne osylaisha virýstyń taralý qaýpin týdyrady. Sonymen qatar, karantin kezeńiniń basynan bastap qyzmetin qaita bastai almaǵan kásipkerlerge epidemiologiialyq jaǵdaidy baǵalaý matritsasynyń belgili bir «aimaǵynda» bolýyna bailanysty birtindep nemese tolyǵymen jeńildikpen jumys isteýge múmkindik beriledi.
Mobildi qosymshany qoldaný jeńil. Qoǵamdyq orynǵa kireberiste paidalanýshy arnaiy QR kodty skanerlep, ony ákimshige kórsetedi. Kod kelýshiniń mártebesin anyqtaidy. Mártebe PTR zertteýdiń biryńǵai integratsiialyq portaly jáne QR Densaýlyq saqtaý ministrliginiń COVID-19 baqylaý ortalyǵy siiaqty aqparattyq júielermen salystyrý negizinde beriledi. Ár túske sáikes mártábe kelesidei maǵyna beredi:
«Qyzyl» mártebe PTR test tapsyryp, koronavirýs anyqtalǵan adamǵa beriledi. Mundai mártebe ieleri úide oqshaýlaný rejimin qatań saqtaýy tiis.
«Sary» – bailanysta bolǵan adamdarǵa beriletin mártebe. Olarǵa azyq-túlik alýǵa nemese úidiń janyndaǵy dárihanaǵa barýǵa ruqsat etilgenmen, basqa qoǵamdyq oryndarǵa barýǵa tyiym salynady.
«Kók» — aýrý juqtyrǵan adamdarmen bailanysta bolǵan adamdar esebinde joq, PTR test (mysaly áýejaida) talap etiletin jerlerden basqa kez kelgen jerde erkin qozǵalý degendi bildiredi.
«Jasyl» – júrip-turýda shekteý joǵyn bildiredi, mundai adam bazada COVID-19 indetine PTR testileýi teris nátije shyqqan paidalanýshy bolyp shyǵady.
Elorda qazir «qyzyl aimaqta» ornalasqan. Alaida, Ashyq qosymshasy arqyly jumys isteitin kásiporyndarǵa demalys kúnderi jumys isteýine ruqsat etiledi. Iaǵni fitnes jáne spa, saýna, bassein, boýling, kompiýterlik klýbtar men qoǵamdyq tamaqtaný uiymdaryna barýǵa bolady. Bul qaladaǵy epidemiologiialyq jaǵdaiǵa qalai áser etedi?
Ashyq qosymshasy boiynsha jumys jáne demalys kúnderi jumys isteitin obektiler qala boiynsha indettiń taralýyna esh áser etpeidi. Bul kelýshiniń QR kodyn engizgennen keiin «qyzyl» nemese «sary» mártebe anyqtalǵan jaǵdaida, nysanǵa kirýge ruqsat etilmeýimen bailanysty. Tek sáýir aiynda Nur-Sultan qalasy boiynsha Ashyq jobasyna qatysýshy obektilerden 212 úi karantinin buzýshy anyqtaldy, onyń ishinde 99 naýqas jáne 113 bailanysta bolǵan adam bar.
14 sáýirden bastap pilottyq jobaǵa kinoteatrlar jáne qoǵamdyq tamaqtaný (banket zaldary, ashana, fast-fýd jáne strit-fýdtar túrindegi nysandardan bólek) nysandary, teatrlar, filarmoniialar jáne erikti qatysýshylar qosyldy. Al 21 sáýirden bastap – oblysaralyq jáne qalalyq turaqty emes (týristik) jolaýshylar tasymaly, biliard klýbtary men kontsert zaldary.
Qazirgi ýaqytta Ashyq qosymshasyna tirkelip, óz kásibin qaita jandandyrǵysy keletin kásipkerlerdiń sany artyp keledi.
Búgingi kúni biznes sýbektileri úshin jobaǵa qatysý erikti túrde júrgiziledi.
Qaladaǵy epidemiologiialyq jaǵdai turaqsyz bolyp qalýda. Osyǵan bailanysty, Nur-Sultan qalasynyń sanitarlyq-epidemiologiialyq baqylaý departamenti turǵyndardy barlyq shekteý sharalary men sanitarlyq normalardy saqtaýǵa shaqyrady. Ásirese, infektsiianyń taralýyn tómendetýge jáne aýrý qaýpin azaitý maqsatynda úi karantinindegi adamdar men kásipkerlik sýbektilerge sanitarlyq dárigerdiń usynystaryn qatań saqtaý talap etiledi.
