Foto: © Sputnik / Andranik Ghazaryan
Sinoptikter 17-19 maýsymda aýa raiy qandai bolatyny týraly boljam jasady, - dep habarlaidy "Ult aqparat".
Boljam boiynsha, aldaǵy demalys kúnderi Qazaqstan aýmaǵy ońtústik tsiklonnyń jáne onymen bailanysty atmosferalyq fronttardyń yqpalynda bolady. Sondyqtan elimizdiń basym bóliginde ótkinshi jańbyr, naizaǵai, ekpindi jel kútiledi, burshaq jaýýy múmkin; 18 maýsymda batysta, 18-19 maýsymda soltústik-batysta, soltústikte qatty jańbyr kútiledi, ońtústikte shańdy daýyl boljanady. Tek respýblikanyń qiyr shyǵysynda aýa-raiy negizinen jaýyn-shashynsyz bolady.
Kúndizgi aýa temperatýrasy batysta +20+28 deiin, soltústik-batysta +13+26 deiin, soltústikte +17+27 gradýsqa deiin tómendeidi, respýblikanyń soltústik-shyǵysynda, shyǵysynda jáne ortalyǵynda + 30 +37 gradýsqa deiin joǵarylaýy kútilip otyr. Al ońtústik óńirlerde temperatýralyq fonda eleýli ózgerister kútilmeidi.
