"Qazgidromet" RMK sinoptikteri 27-29 qarasha aralyǵynda aýa raiy qandai bolatynyn aitty, - dep habarlaidy "Ult aqparat".
Sinoptikter boljamy boiynsha, qar jaýǵannan keiin Qazaqstanǵa Soltústik-Batys antitsiklony yǵysady, sonyń áserinen jaýyn-shashynsyz aýa raiy ornap, respýblikanyń soltústiginde aýa temperatýrasy tómendeidi dep kútiledi. Biraq eldiń batys óńirlerine Reseidiń Eýropalyq aýmaǵynyń aýdandarynan keletin jyly front áser etedi. Osyǵan bailanysty bul óńirlerde kúndizgi ýaqytta aýa temperatýrasy joǵary bolady dep boljanady.
"Elimizdiń soltústik aimaqtarynda aýa temperatýrasy túnde 10-18, kúndiz 7-15 gradýs aiazǵa deiin tómendeidi, elimizdiń batysynda kúndiz termometr 0-5 gradýs jylyǵa deiin, al ońtústik-batysta 12 gradýsqa deiin, shyǵysta aýa temperatýrasy túnde 15-23-ten 8-16 gradýs, kúndiz 0-10 gradýs aiaz, respýblikanyń ońtústiginde 0-10 aiazdan 0-5 jylyǵa deiin, kúndiz 0-10 gradýstan 3-15 gradýsqa deiin kóteriledi, al eldiń ońtústik-shyǵysynda 7-18-den 0-10-ǵa deiin aiaz, kúndiz 3-11-den 3 gradýsqa deiin aiaz, 7 gradýs jyly bolady", - delingen habarlamada.
