Sinoptikter Qazaqstandaǵy 11-13 tamyz kúnderine arnalǵan aýa raiy boljamyn jariialady, dep habarlaidy "Ult aqparat".
«Karsk teńizinen kóterilgen salqyn ylǵaldy aýa massasynyń ońtústikke qarai jyljýynyń saldarynan Qazaqstannyń kóptegen oblysynda aldaǵy kúnderi jańbyr jaýady, kei jerlerde naizaǵai jarqyldap, jel kúsheiedi, burshaq jaýýy yqtimal», - delingen «Qazgidromet» RMK habarlamasynda.
Sinoptikterdiń aitýynsha, soltústik, ortalyq jáne shyǵys óńirlerde túnde aýa temperatýrasy nólden joǵary 5-15, kúndiz 15-23 gradýsqa deiin tómendeidi. Batysta kún jaýyn-shashynsyz, tek kezeńniń sońynda aýa aǵynynyń ótýine bailanysty qysqa merzimdi jańbyr jaýyp, naizaǵai oinaýy múmkin, keiin birtindep aýa temperatýrasy kóteriledi.
