Ǵalymdar «Omikron» jáne «Delta» koronavirýs shtamdaryn rekombinatsiialaýdyń kem degende úsh nusqasyn — «Deltakron» dep atady.
Olar týraly Ulybritaniianyń densaýlyq saqtaý qaýipsizdigi Agenttiginiń apta saiynǵy esebinde aitylǵan. Rekombinanttar Avstraliia men Eýropada da tabyldy, dep habarlaidy QazAqparat Covid-19 taralýyna jol bermeý jónindegi vedomstvoaralyq komissiiasynyń Telegram kanalyna silteme jasap.
Alaida, «Omikronnyń» kelýimen bir mezgilde eki shtammen infektsiia jaǵdaiy ózgerdi, óitkeni «Deltaǵa» qarsy belsendi immýnitet koronavirýstyń jańa nusqasynyń shabýylyn árdaiym toqtata almaidy.
Germaniiada vaktsina óndirýshileriniń biriniń ókili álem jańa shtamdardyń paida bolýyna daiyn dep sanaidy, endi SOVID-19 koronavirýsynyń taǵy bir múmkin mýtatsiiasy adamzatty tańqaldyrmaidy. Jalpy, dárigerlerdiń pikirinshe, qoǵam pandemiia jaǵdaiynda ómir súrýge beiimdelýi kerek, óitkeni virýs aldaǵy jyldary joǵalyp ketýi ekitalai.
«Virýs kóptegen adamdardyń ómirin qidy. Bizde qorqynysh joq. Biz osy jaǵdailarda ómir súrýdi úirenýge tyrysamyz. Kelesi 15 jyl ishinde biz oǵan nazar aýdarýymyz kerek, óitkeni jańa mýtatsiia paida bolý múmkin», – deidi immýnolog Ýgýr Shahin.
