Foto: Kursiv.kz
Qarjylyq monitoring agenttigi «Delta Bank» AQ isine qatysty tergeýdi jalǵastyryp jatyr, dep habarlaidy "Ult aqparat" vedomstvonyń baspasóz qyzmetine silteme jasap.
Forbes jýrnalynyń nusqasy boiynsha Qazaqstandaǵy eń yqpaldy biznesmender reitingine engen N.Tileýbaev 2012-2017 jyldar aralyǵynda qaitarylmaityn nesieler berý arqyly bankten qarajatty alyp shyǵarǵan.
"Tergeý barysynda N.Tileýbaev pen onyń týystaryna tiesili múlik anyqtalyp, oǵan tyiym salý týraly sanktsiia berildi.
Onyń ishinde Chehiianyń Praga qalasynda ornalasqan elitalyq meiramhana, tórt bólmeli páter jáne 3 kompaniiadaǵy 100% aktsiialary, sondai-aq BAÁ-degi quny shamamen $5 mln bolatyn Palm Jumeirah ornalasqan villa bar.
Sonymen qatar Latviiamen yntymaqtastyq aiasynda halyqaralyq tergeý kepildigin jiberý arqyly Latviiada ornalasqan «Ventspils astyq terminalynyń» 100% úlesin qamaýǵa alý sanktsiialandy" - delingen habarlamada.
Agenttik málimetinshe, N.Tileýbaevqa tiesili 5 qant zaýyty men 58 nysan da Problemalyq nesie qoryna berildi.
"Sot úkimimen N.Tileýbaev 10 jylǵa bas bostandyǵynan aiyryldy.
Qazirgi ýaqytta N.Tileýbaevtyń jáne onyń kompaniialarynyń zańsyz qyzmetiniń qurbandary – «QazInvestBank» AQ, «Qazaqstannyń Damý Banki» AQ jáne «BJZQ» AQ.
Qarjylyq monitoring agenttigi aktivterdi izdeý jáne qaitarý boiynsha jumysty jalǵastyryp jatyr" - delingen habarlamada.
