Foto:depositphotos.com
16 qyrkúiekte Qazaqstan jalpyǵa birdei deklaratsiialaýdyń úshinshi kezeńi aiasynda deklaratsiialardy qabyldaýdy aiaqtady. Qarjy ministrliginiń Memlekettik kirister komiteti esepti ýaqytyly tapsyra almaǵandardy ne kútip turǵanyn aitty, - dep habarlaidy «Ult aqparat» Tengrinews.kz-ke silteme jasap.
2024 jylǵy 1 qańtarda jalpyǵa birdei deklaratsiialaýdyń úshinshi kezeńi sheńberinde zańdy tulǵalardyń basshylary, quryltaishylary (qatysýshylary) jáne jeke kásipkerler, sondai-aq olardyń jubailary bolyp tabylatyn eki millionnan asa jeke tulǵalar aktivteri men mindettemeleri týraly deklaratsiiany (250.00-nysan) usynǵany habarlandy. Deklaratsiiany tapsyrý merzimi 16 qyrkúiekte aiaqtaldy.
Deklaratsiiany usynbaǵan salyq tóleýshilerge salyq zańnamasynda belgilengen merzimde salyq eseptiligin usynbaý týraly habarlamalar jiberildi. Mundai salyq tóleýshiler habarlamany alǵan sátten bastap 30 jumys kúni ishinde deklaratsiia nemese túsinikteme berý arqyly zańbuzýshylyqty joiýy tiis.
"Deklaratsiiany usynbaǵan salyq tóleýshilerge banktik shottar boiynsha shyǵys operatsiialaryn toqtata turý jónindegi sharalar qoldanylady (Salyq kodeksiniń 118-baby 1-tarmaqshasy)", - dep habarlady MKK.
